దృఢమైన నిశ్చయత

నేను నా స్నేహితురాలు ఒక రోజున, దేవుడు మా జీవితాల్లోకి అనుమతించిన కొన్ని తలక్రిందులుగా ఉన్న సమయాల గురించి, అప్పుడు దేవుడు ఎందుకు ఇలా నిరాశ పరిచారు అనే అయోమయంలో ఉన్న సమయాల గురించి మాట్లాడుకుంటున్నాం. 

అప్పుడు మొదటలో దేవుణ్ణి మరీ ఎక్కువగా అంచనా వేసేశామా అని అలోచించి విశ్వాసంలో వంగిపోయినట్టు అనిపించింది. కాని చివరికి, కాదు మనం దేవుణ్ణి తక్కువగా అంచనా వేసాము అని తెలుసుకోని విశ్వాసంలో స్థిరపరచబడ్డాం. 

మనం తరుచు దేవుణ్ణి చాలా తక్కువగా అంచనా వేస్తాం.

అందుకే దేవుడు మనకు యోబు గ్రంధాన్ని ఇచ్చారు. 

యోబు, తన చుట్టూ ప్రపంచం కుప్పకూలిపోవడానికి దేవుడు అనుమతించినప్పుడు, " నేను నా తల్లిగర్భములోనుండి దిగంబరినై వచ్చితిని, దిగంబరినై అక్కడికి తిరిగి వెళ్లెదను; యెహోవా ఇచ్చెను యెహోవా తీసికొని పోయెను, యెహోవా నామమునకు స్తుతి కలుగునుగాక" (యోబు 1:21) అని ప్రకటించాడు. 

అయినప్పటికీ, పరిస్థితులు ఇంకా క్షీణించినప్పుడు, యోబు కూడా దేవుని ప్రేమను, జ్ఞానాన్ని తక్కువగా అంచనా వేయడం ప్రారంభించాడు. కనుక దేవుడు మన అందరికి కూడా అవసరమైన జవాబు యోబుకు ఇచ్చారు - ఒక దృఢమైన నిశ్చయత : మనం సర్వజ్ఞానులం కాదు, అన్నింటింకి జవాబులు మనకు తెలీవు, కాని దేవుడు అలా కాదు. అదీ కాకుండా, ఆయన గొప్ప ప్రేమ కనికరాలతో నిండియున్న దేవుడు. 

నీవు ఏదైనా కఠినమైన, అన్యాయంగా అనిపించే పోరాటాల్లో ఉన్నావా? ఐతే యోబు గ్రంధం లోని ఆఖరి అధ్యాయాలు (యోబు 38-42:6) చదివి ఆ దృఢమైన నిశ్చయతని గుర్తుంచుకోవాలని నేను నిన్ను ప్రోత్సాహపరుస్తున్నాను. దేవుడు మన జీవితంలో దేనిని అనుమతించినా, అది ఎదో ఒక మంచికోసమే అయన ఉపయోగిస్తారు.

The Unshakable Bottom Line

51 కీర్తన నుండి పశ్చాత్తాపము మరియు పునరుద్ధరణ యొక్క 8 అంశాలు

51 కీర్తనలో యదార్థమైన పశ్చాత్తాపానికి ఒక అద్భుతమైన ఉదాహరణగా దావీదుని చూస్తాము.

దావీదు ఇలా వ్యక్తపరిచాడు:

1. దేవుని కరుణ, క్షమాపణ పొందటానికి తనకి ఎటువంటి అర్హత లేదని, దానిని పొందడానికి పూర్తిగా దేవుని మీదే ఆధారపడాలని అతనికి తెలుసు. (1,2 వచనాలు)

2. తన పాపమే తనను దేవుని నుండి దూరం చేసిందని తీవ్రమైన ఆవేదన చూపాడు (3వ వచనం)

3. దేవునికి విరోధంగా చేసిన తన పాపం వలన వచ్చే శిక్షకు, దాని యొక్క పర్యవసానముకు తాను పూర్తిగా అర్హుడని అవగాహన చూపాడు (4 వ వచనం)

4. అందరు పాపం వలనే పుడతారని, అయినా దేవుడు మనతో ఉంటాడు, మనకు అందుబాటులో ఉంటాడు అనే అవగాహన చూపాడు (5-6 వచనాలు)

5. తన పాపాలు తీవ్రంగా దుఃఖకరమైనవని దేవునితో ఒప్పుకున్నాడు (7-9 వచనాలు)

6. తన మనస్సాక్షి మరియు దేవునితో సంబంధం రెండూ పునరుద్ధరణ పొందాలనే లోతైన కోరిక కలిగిన్నాడు (10-15 వచనాలు)

7. 'విరిగి నలిగిన' హృదయం తప్ప వేరే ఏ అర్పణ సరిపోదు అని అర్ధం చేసుకున్నాడు (16-17 వచనాలు)

8. దేవునితో సంబంధాన్ని దేవుడు తిరిగి మరలా కడతాడని నమ్మాడు (18-19 వచనాలు)

పాపం మరియు క్షమాపణ యొక్క స్వభావాలు తెలుసుకోవడానికి 51 వ కీర్తన ఒక గుర్తుగా ఉంది. దేవుడు మనలను క్షమించాలని, పునరుద్ధరించాలని ఎంత ఆతురతతో ఎదురుచూస్తున్నారో మనం కూడా అంతే ఆతురతతో పశ్చాతాపపడదాం!

-------------------------

అదనపు నోట్స్

(1-2) క్షమాపణను మనమెప్పుడు ఒక హక్కుగా భావించకూడదు. అది ఎప్పుడు అర్హత లేనివారికిచ్చే బహుమానమే.

(3) దేవుని శరీరమైన సంఘంలో కూడా యదార్ధమైన పశ్చాతాపం చాలా అరుదైనదే.

(4) దావీదు దేవునికి విరోధంగా పాపము చేసాను అని చెప్పింది తాను ఇతరుల పట్ల చేయలేదు అని చెప్పడానికి కాదు, కాని అతని పాపం వలన దేవుని ఆజ్ఞలు మీరాడు, దేవుని ఆజ్ఞలు మీరడం దేవునిపై అపనమ్మకంతో సమానం. దావీదు బేత్షెబాకు, ఉరియాకు, తన కుటుంబానికి మరియు దేశానికి విరోధంగా చేసిన పాపం వలన తన జీవితమే ఎంతో ప్రభావానికి గురైంది.

(5-6) పిల్లలు "మంచి" వారిలానే పుడతారని లోకం చెబుతుంది. కాని లేఖనాలు ఏం చెబుతాయంటే అందరం పుట్టుకతోనే పడిపోయినవారమని.

(7-9) హిస్సోపు పాతనిబంధనలో శుధీకరణ ఆచారాలకు, సంరక్షణకు వాడేవారు.

(10-15) ఈ సందర్బం తరువాత దావీదు అన్నింటికంటే ముఖ్యంగా దేవునితో సరైన సంబంధంలోకి రావాలని ఆశపడ్డాడు. ఇదే ఈ సందర్బం తరువాత కూడా దేవుడు అందరికన్నా దావీదును మెచ్చుకోవడానికి కారణమైంది.

(16-17) దావీదు హృదయం తన పాపాన్ని బట్టి పగిలిపోయింది, శిక్షకు అర్హుడని అతనికి తెలుసు. కొంతమందికి పాపం వలన కలిగే పరిణామాలకు వారి హృదయాలు పగిలిపోతాయి కాని వారు చేసిన పాపానికి కాదు. విరిగి నలిగిన హృదయం దేవుని దృష్టికి ఎంతో అమూల్యమైనది. యెషయా 66:2.

(18-19) దావీదు తనకు కలిగిన ఈ దుఖాన్ని, ఇతరులు దేవుని మార్గాలు అర్ధం చేసుకోవడానికి సహాయపడేలా ఉపయోగించుకున్నాడు.  తన పాపాలు క్షమించబడ్డాక, తన హృదయం శుద్దీకరించబడ్డాక, మరలా దేవుణ్ణి తృప్తిగా ఆరాధించుకోవాలి అని ఆశపడ్డాడు.

8 Elements of Repentance & Restoration - Psalm 51

శిష్యత్వానికి నాలుగు ఆటంకాలు

బర్నా వారు చేసిన లోతైన పరిశోధనలో కనుగొన్నదేంటంటే, సువార్త ధ్యేయం కలిగిన వారిగా గుర్తింపబడిన క్రైస్తవులు వారి ఆత్మీయ ఎదుగుదలకు/శిష్యత్వానికి నాలుగు అడ్డంకులు కలిగుంటున్నారని - అవి:

1. నిబద్దత: కేవలం 18% శాతమే వారి ఆత్మీయ ఎదుగుదల కోసం ఒక నిబద్దత కలిగున్నారు.

2. పశ్చాతాపం : కొద్ది మందే వారి పాపాలకు నిజంగా లోతైన పశ్చాతాపం చూపుతున్నారు.

3. కార్యాచరణ: చాలా మంది మందిరంలో వారు చేసే పనిని ఆత్మీయ లోతుగా భావించి పొరబడుతున్నారు.

4. ఆత్మీయ సమాజం: జవాబుదారి తనం కలిగిన సంబంధాల్లో కొద్ది మందే పాల్గొంటున్నారు.

ఈ నాలుగు అంశాల్లో నిన్ను నువ్వు అంచనా వేసుకోవడానికి ఎందుకని కొంత సమయం తీసుకోకూడదు.

మనం యదార్ధంగా యేసు కోసం జీవించాలి అనుకుంటే, ఇవి కలిగి ఉండటం అవసరం:

1. యేసులాగా మారడానికి  ఉద్దేశపూర్వకంగా నిబద్దత చూపాలి. ఫిలిప్పీ 2:12-13

2. యేసు యొక్క ప్రణాళికల నుండి మనలను దూరం చేసే పాపాలు ఏమిటో  గుర్తించాలి. 1 యోహాను 1:8-10

3. కేవలం సంఘంలో ఉన్న పనులలో పాల్గోవడమే కాదు, అంతకంటే ముఖ్యమైన నీ విశ్వాసంలో పరిపక్వత గురించి నువ్వు ఎక్కువ పట్టించుకోవాలి. 2 పేతురు 1:5-8

4. ఇతరులలో నీ జీవితాన్ని ఖర్చు పెట్టాలి, ఇతరులు కూడా వారి జీవితాన్ని నీలో ఖర్చు పెట్టాలి. ఎఫెస్సీ 4

ఈ అడ్డంకులను జయించడానికి నాతో కలిసి ప్రార్ధిస్తారా?

4 Obstacles to Discipleship

అవసరమైన శ్రమలు

"అవసరమైన శ్రమ" అని మనం దేనిని పిలుస్తామో తెలుసా?

ఏదైనా చెడు జరగడం వలన మంచిది సాధ్యమాతుందో దానిని.

ఎలాగంటే, తల్లిదండ్రులు పిల్లలను క్రమశిక్షణ చేస్తేనే వారు మంచిని నేర్చుకుంటారు. సైనికులు బాధలను సహించడం, కఠోరమైన శిక్షణకు గురికావడం వలనే వారు సంసిద్దులవ్వగలరు. కాన్సర్ ను శరీరంలో నుండి తొలగించాలంటే ఆ రోగులు కీమొథెరపీ తీసుకుంటేనే అది సాధ్యం.

అవసరమైన శ్రమ లేక చెడు పడిపోయిన మానవుని ప్రపంచంలో ఒక భాగమే.

దేవుని పరిపూర్ణమైన ప్రపంచంలోకి మనమే పాపం ద్వారా శ్రమను / చెడును తెచ్చాము. కాని అది తెచ్చిన మనలను నాశనం చేయడం బదులు, ప్రస్తుతం ఉన్న ప్రపంచంలో మన సమస్యలనే "అవసరమైన శ్రమల" ద్వారా దేవుడు తనను యదార్ధంగా ప్రేమించే వారిని గుర్తుంచి రక్షించాలనేది దేవుని నిర్ణయం.

చెడును శ్రమను అనుమతించిన దేవుణ్ణి కొంతమంది నమ్ముకోవడానికి ఇష్టపడరు.. అంటే వారు క్షమాపణకు, విమోచనకు తమ్మును తామే దూరం చేసుకుంటున్నారు.

కాని ఎవరైతే రక్షింపబడతారో వారు ఎంతో ముఖ్యమైన, ఎంతో భయంకరమైన, ఎంతో అద్భుతమైన, మానవ చరిత్రలోనే మరిచిపోలేని అవసరమైన భయంకరమైన శ్రమ విషయంలో ఎంతో కృతజ్ఞత గలిగి ఉంటారు.. అదేమిటంటే, మన రక్షకుడైన యేసు ప్రభువు ఘోర మరణం.

అవసరమైన ఈ గొప్ప శ్రమ ఆయన పొందడం వలనే మనం ఇంత ఆనందం పొందటం సాధ్యమైంది.

ఈ క్రింది వచనాలు చదివి ప్రోత్సాహం పొందు:

• విలువపెట్టి కొనబడినవారు గనుక మీ దేహముతో దేవుని మహిమపరచుడి. (1 కొరింథీయులకు 6:20)

• ఎందుకనగా మనమాయనయందు దేవుని నీతి అగునట్లు పాపమెరుగని ఆయనను మనకోసము పాపముగా చేసెను. (2 కొరింథీయులకు 5:21)

• మనము పాపముల విషయమై చనిపోయి, నీతి విషయమై జీవించునట్లు, ఆయన తానే తన శరీరమందు మన పాపములను మ్రానుమీద మోసికొనెను. ఆయన పొందిన గాయముల చేత మీరు స్వస్థత నొందితిరి. (1 పేతురు 2:24)

• మన యతిక్రమక్రియలను బట్టి అతడు గాయపరచబడెను మన దోషములనుబట్టి నలుగగొట్టబడెను మన సమాధానార్థమైన శిక్ష అతని మీద పడెను అతడు పొందిన దెబ్బలచేత మనకు స్వస్థత కలుగుచున్నది. (యెషయా 53:5)

• అతని నలుగగొట్టుటకు యెహోవాకు ఇష్టమాయెను ఆయన అతనికి వ్యాధి కలుగజేసెను. అతడు తన్నుతానే అపరాధపరిహారార్థబలిచేయగా అతని సంతానము చూచును. అతడు దీర్ఘాయుష్మంతుడగును, యెహోవా ఉద్దేశము అతనివలన సఫలమగును. (యెషయా 53:10)

Necessary Evils

నిన్ను నీవు దేవునిలో ప్రోత్సాహించుకోవడం!

 

మనం నిరుత్సాహంలో ఉన్నప్పుడు, లోకం మనతో ఏం చెబుతుందంటే:

1. తిను, త్రాగు, సుఖించు.
కాని పౌలు ఏమంటాడంటే ఇది జీవితానికి ఏ నిరీక్షణ లేని, ఏ గురి లేని వారి నినాదం అని (1 కొరింధీ 15:32).

2. నీ సమస్యలకు ఇతరులను నిందించు.
కాని నువ్వు ఒక బాధితుడి మనస్తత్వంతో జీవించడం నిరాకరిస్తే, దేవుడు నువ్వు దుర్వినియోగించబడినది కూడా మేలుకై వాడుకోగలరని
యోసేపు నిరూపించాడు (ఆదికాండము 50:20).

3. నీకోసమే నువ్వు జీవించు.
కాని ఎవరైతే ఇది చేస్తారో వారే నిజంగా కోల్పోతున్న వారు (మత్తయి 16:25).

మరి దేవునిలో నిన్ను నువ్వు ఎలా ప్రోత్సాహించుకోగలవు?

మనం ఒకటి జ్ఞాపకం తెచ్చుకోవాలి, అదేమిటంటే ప్రతీ ఒక్కరికీ సమస్యలు ఉంటాయి. మనం వాటికి మినహాయింపు అనుకుంటే మనకంటే వెర్రివారు ఇంకెవరూ ఉండరు. కాని మన పోరాటాలలో మనం ఒంటరి వారం కాము, అంతిమ విజయం మనదే అనేది మనం తెలుసుకోవాలి.

• లోకములో మీకు శ్రమ కలుగును; అయినను ధైర్యము తెచ్చుకొనుడి, నేను లోకమును జయించియున్నాను - యేసు (యోహాను 16:33)

నేను చాలా పెద్ద పోరాటాల్లో ఉన్నప్పుడు, నన్ను నేను దేవునిలో ప్రోత్సాహించుకోవడానికి నిర్ణయించుకుంటాను. అందులో ఒకటి, దేవుని వాగ్దానాన్ని కంఠస్థం చేయడం. నాతో కలిసి మీరు కూడా ఈ క్రింది వచనాన్ని కంఠస్థం చేస్తారా?

• నిన్ను ఏమాత్రమును విడువను, నిన్ను ఎన్నడును ఎడబాయను. (హెబ్రీయులకు 13:5)

• నేను నిన్ను ఎన్నడూ చెయ్యి విడువను, ఎన్నడూ వదలిపెట్టను (వాడుక భాషలో)

Encourage Yourself in the Lord

మురికి ఆలోచనలు

నీ మనస్సుని అలా సంచరించడానికి వదిలేస్తే, అది ఎక్కడికి వెళ్తుంది?

ఎన్నిసార్లు నా మనస్సు అదుపు తప్పి తిన్నగా మురికి ఆలోచనలలోకి దూరికేళ్ళిందో చెప్పలేను. అలాగని అవి అస్లీలమైనవి కావుగాని, చేదైన జ్ఞాపకాలు, చింతించడం, స్వ-జాలి వంటివి. మరి ముఖ్యంగా నేను ఏదైనా కష్ట సమయాల్లో ఉన్నప్పుడు ఇవి ఎక్కువగా వస్తుంటాయి.

• నీకు తెలుసా, మనం నిమిషానికి 120 మాటలు మాట్లాడితే, నిమిషానికి 1300 మాటలంత తీవ్రతతో ఆలోచిస్తామంట?

• కాబట్టి మాటల కంటే 10 సార్లు ఎక్కువగా ఈ నిరుత్సాహపు ఆలోచనలు మనలను నిరాశ అనే గుంటలో పాతి పెడతాయి.

అందుకేనేమో దేవుని వాక్యంలో ఈ విధంగా వ్రాయబడింది "మేము వితర్కములను, దేవుని గూర్చిన జ్ఞానమును అడ్డగించు ప్రతి ఆటంకమును పడద్రోసి, ప్రతి ఆలోచనను క్రీస్తుకు లోబడునట్లు చెరపట్టి.. (2 కొరింథీయులకు 10:5)

నీ జీవితంలో ఏదైనా విషయంలో పోరాటంలో ఉన్నావా? బహుశా నీ ఆలోచనల ప్రమేయమే దానికి ప్రధాన కారణమేమో. ఈరోజే కొద్ది సమయం తీసుకోని నీ ఆలోచనలను చెరపట్టి క్రీస్తుకు లోపరచడానికి ఆయన సహాయం అడుగు!

Dirty Thoughts

ఆత్మీయ ఆకలి

హరలోన్పోవొవ్ తన విశ్వాసం వలన 13 సంవత్సరాలు చేరశాలలో ఉంచబడ్డాడు.

అయిదు సంవత్సరాలు గడిచిన తరువాత, వేరే ఖైదీ, బైబిల్ కాగితాలను సిగరెట్లలాగా చుట్టుకొని త్రాగడం గమనించాడు.

"అయిదు సంవత్సరాలు ఆహారం లేక శారీరికంగా కరువును అనుభవించినా, ఆత్మీయంగా ఇంకా ఎక్కువ కరువును అనుభవించాను. శారీరిక ఆకలి కంటే ఆత్మీయ ఆకలిలో ఉండే నొప్పి చాలా తీవ్రంగా ఉంటుందని నేను చెప్పగలను. ప్రతీరోజు దేవుని వాక్యంతో నాకు విడదీయలేను ఒక అనుబంధం. అలాంటిది ఆకస్మాత్తుగా అయిదు సంవత్సరాలు దాని నుండి వేరుచేయబడ్డాను. నా తోటి ఖైదీతో నూతన నిబంధన ఇస్తే నాకున్న ధనమంతా ఇస్తానన్నాను. అతను నా చేయి లేక కాలు అడిగినా ఇచ్చేవాడిని. వాక్యమంటే నాకు అంత విలువైనది.. అప్పుడు, యిప్పుడు కూడా."

పోపోవ్ కథను కొత్త విశ్వాసిగా ఉన్నప్పుడు నేను చదివాను.. అది నన్నెంతో లోతుగా తాకింది.. ఇప్పటికి కూడా.

దేవుని వాక్యం నాకు చాలా సులభంగా అందుబాటులో దొరుకుతుంది.. అలాగని దానిని చులకనగా తీసుకోకూడదు ఎందుకంటే అది దైవావేశం వలన కలిగినది, జీవితంలో ఉండే అన్ని అంశాలకు, జీవిత విధానానికి అది ఎంతో సహాయపడుతుంది గనుక (2 తిమోతి 3:16,17).

• అది సజీవమైనది, బలమైనది (హెబ్రీ 4:12)

• అది నిత్యము నిలిచేది (యెషయా 40:8).

• మన రోజూ ఆహారం కంటే అవసరమైనది (మత్తయి 4:4).

హరలోన్పోవొవ్ దీనిని అర్ధం చేసుకున్నాడు. మరి నేను? మరి నువ్వు?

Starved Spiritually