చెడు ఆదరణ కర్తలు - మంచి ఆదరణ కర్తలు

బాధపడేవారికి తన బిడ్డలు మంచి ఆదరణకర్తలుగా ఉండాలని దేవుడు ఆశిస్తాడు (2 కొరింధీయులకు 1:3-6).

దేవుడు మమ్మును ఏ ఆదరణతో ఆదరించుచున్నాడో, ఆ ఆదరణతో ఎట్టి శ్రమలలో ఉన్నవారినైనను ఆదరించుటకు శక్తిగలవారమగునట్లు, ఆయన మా శ్రమ అంతటిలో మమ్మును ఆదరించుచున్నాడు. (2 కొరింథీయులకు 1:4)

✝️దైవికమైన ఆదరణకర్తలు:

1. అడగని సలహాలు ఇవ్వకుండా, ఇతరుల బాధలు పంచుకుంటారు (1).

ఒకవేళ వారిలో ఏదైనా తెలిసిన లోపం ఉంటే, సత్యాన్ని ప్రేమతో కలిపి చెప్పాలి (మత్తయి 18:15; 1 కొరింథీయులకు 5:12; యాకోబు 5:19-20).

కాని వాస్తవంగా చాలా మంది విపరీతమైన పరిస్థితులు ద్వారా వెళ్తూ బాధలను అనుభవిస్తున్నారు. మనం వారి సమస్యలకు పరిష్కారం కనుక్కోగలం అనుకుంటే మనం కూడా యోబు స్నేహితుల్లానే అహంకారులం అనమాట.

దానిబదులు బాధపడే వారి బాధను పంచుకుందాం (2) (రోమీయులకు 12:15)

2. చెప్పడంకంటే వింటారు :

యాకోబు 1:19 కోపపడటం గురించి చెప్పినా, ఆదరణకు ఉపయోగపడే రెండు సిద్ధాంతాలు అక్కడ చెప్పబడ్డాయి : వినుటకు వేగిరపడాలి, మాట్లాడుటకు నిదానించాలి.

3. గుసగుసలు చెప్పడం బదులు ప్రార్ధిస్తారు:

చెడు ఆదరణ కర్తలు ఒకరి బాధలు ఇంకొకరితో వారి అనుమతి లేకుండా చెప్పేస్తారు. మంచి ఆదరణ కర్తలు ప్రార్ధిస్తారు (ఎఫెస్సీయులకు 6:18).

మంచి ఆదరణ కర్తలు చాలా అరుదు.. సమస్యలలో ఉన్నప్పుడు వారి ఆదరణ చాలా అద్భుతం.

మంచి ఆదరణ కర్తలు మనలను ఆదరించడం కంటే ఎక్కువ మేలే చేస్తారు... అదేమిటంటే ఇతరులను ఎలా ఆదరించాలో నేర్పుతారు.

------------------

(1) సలహా ఒకవేళ అడిగితే ఇవ్వొచ్చు కాని ఆ పని చాలా జాగ్రత్తగా చెయ్యాలి.

(2) ఇతరుల బాధను పంచుకోవడం అంటే అది సానుభూతికి మించినది. అది ఇతరుల భావాలు బాధలు పంచుకోవడం (తమ సొంతవిగా).

Bad Comforters and Good Comforters