ఒక క్రైస్తవుడు దురాత్మతో నింపబడగలడా?

 

ఈ ప్రశ్నను మనం దీనత్వంతో సమీపించాలి ఎందుకంటే దీనికి జవాబు లేఖనాలలో నేరుగా ఇవ్వబడలేదు, పైగా యదార్ధమైన, వాక్యాన్ని నమ్మే క్రైస్తవులు దీనికి జవాబుగా ఒకొక్కరు ఒకొక్క తీర్మానానికి వచ్చే అవకాశం ఉంది గనుక.

యేసు ప్రతీ క్రైస్తవునిలో నివాసం ఉంటారు, ఆయన అపవాది కంటే ఎంతో గొప్పవారు (1 యోహాను 4:1-6), అపవాది నుండి రక్షణ కల్పిస్తాననే దేవుని వాగ్దానం కూడా మనకుంది (2 థెస్స 3:3).

అయినప్పటికీ, మనం దేవుణ్ణి తృణీకరించుట ద్వారా దేవుని కాపుదల నుండి బయటకు నడిచి, అపవాదికి మన జీవితాల్లో చోటు ఇచ్చే అవకాశం ఉంది : అలా చేయకుండా అపవాదిని ఎలా ఎదిరించగలమంటే 

1. మన పాపాలు గురించి యదార్ధంగా పశ్చాతాపపడటం ద్వారా (యాకోబు 4:7-8).

2. నిబ్బరమైన బుద్ధిగలవారై మెలకువగా ఉండటం, విశ్వాసమందు స్థిరంగా ఉండటం ద్వారా (1 పేతురు 5:8,9).

3. ఇతరులను క్షమించుట ద్వారా (2 కొరింధీ 2:10,11)

4. సమయం మించక ముందే కోపంలో నిలిచి ఉండకకుండా జాగ్రత్త పడుట ద్వారా (ఎఫెస్సీ 4:26,27)

5. సర్వాంగకవచాన్ని ధరించుకొనుట ద్వారా (ఎఫెస్సీ 6:10-18)

6. మనలను మనం అన్య ఆచారాల నుండి, క్షుద్ర సంబంధిత వాటి నుండి వేరుచేసుకొనుట ద్వారా (2 కొరింథీ 6:14-17, అపో. కార్యములు 19:19)

దేవుడు యోబును పరీక్షించుటకు అపవాదికి అనుమతినిచ్చారని, పౌలును హెచ్చిపోకుండా ఉండేలా నలుగగొట్టుటకు కూడా అపవాదికి అనుమతినిచ్చారని మనకు బాగా తెలుసు (2 కొరింథీ 12:6-10) (1)

క్రైస్తవులు దురాత్మతో నింపబడతారు అని మనం ఖచ్చితంగా చెప్పలేము, కాని క్రైస్తవులు అపవాది చేత పరీక్షంపబడతారు, బాధింపబడతారు, శోధింపబడతారు, పీడింపబడతారని మాత్రం ఖచ్చితంగా చెప్పగలం.

అపవాది తంత్రాలను ఎరిగినవారముగా మెలుకువ కలిగి ఉందాం. అపవాది యొక్క శోధనలను ఎదిరిద్దాం.

------------------

(1) పౌలు యొక్క పరిస్థితి గురించి పూర్తి వివరాలు మనకు ఇవ్వబడలేదు, కాని తను ఎన్నో శోధనలను, అనారోగ్య సమస్యలను, అపవాది వేధింపులను భరించాడని మనకు తెలుసు. 'సాతాను దూత' నుండి దేవుడు పౌలును విడిపించకపోయినా, జయకరంగా ఓర్చుకోవడానికి ఆయన శక్తిని మాత్రం ఖచ్చితంగా ఇచ్చారు (1 కొరింథీ 10:13).

Can a Christian Be Demon Possessed?

ఎందుకు తగ్గింపు మనకు రక్షణ కవచం వంటిది

 ఇదివరకు, గర్వం, చెడు స్వభావానికి గుర్తుగా ఉండేది. "నీ నోరు కాదు అన్యుడే, నీ పెదవులు కాదు పరులే నిన్ను పొగడదగును" (సామెత 27:2) అనే సామెతను అన్యులు కూడా నమ్మేవాళ్ళు.

ఆధునిక ప్రజలు ఈ జ్ఞానాన్ని మర్చిపోయారు. అందుకే ఇప్పటి నటులు, సంగీతకారులు, రాజకీయనాయకులు, ఆటలు ఆడే వారు, రోజువారి ప్రజలు అహంకారంతో ఉండటంలో ఆశ్చర్యం లేదు.

క్రీస్తు అనుచరులు నేటి సమాజాన్ని కాక, దేవుని వాక్యాన్ని అనుసరిస్తారని నేను నమ్మి సంతోషిస్తున్నాను :

నాశనమునకు ముందు గర్వము నడచును. పడిపోవుటకు ముందు అహంకారమైన మనస్సు నడచును. గర్విష్ఠులతో దోపుడుసొమ్ము పంచుకొనుటకంటె దీనమనస్సు కలిగి దీనులతో పొత్తుచేయుట మేలు. (సామెతలు 16:18-19)

క్రీస్తు అనుచరులమైన మనకు తెలుసు తగ్గింపు మనలను సరైన మార్గంలో నడిపిస్తుందని :

ఆపత్తు రాకమునుపు నరుని హృదయము అతిశయపడును ఘనతకు ముందు వినయముండును. (సామెతలు 18:12)

మనకు తెలుసు చివరకు గర్వం కంటే తగ్గింపే మనకు ఎక్కువ మేలును తీసుకొస్తుందని :

"ఎవని గర్వము వానిని తగ్గించును వినయమనస్కుడు ఘనతనొందును" (సామెతలు 29:23)

అన్నింటికంటే ముఖ్యంగా మనకు తెలుసు "దేవుడు అహంకారులను ఎదిరించి దీనులకు కృప అనుగ్రహించును" (యాకోబు 4:6) అని.

మన గురించి మనం ఎక్కువగా ఎంచుకోవడం చాలా సులువ, అందుకే దానివల్ల వచ్చే పర్యావసానాలు గురించి మనలను ప్రేమించే దేవుడు మనకు హెచ్చరికలు ఇచ్చారు. మనలను మనం ద్వేషించాలని ఆయన అడగట్లేదు లేక మన గురించి మనం హీనంగా ఆలోచించాలని కాదు. ఆయన ప్రణాళికలకు, ఉద్దేశాలకు, నియమాలకు మనం ఎంత నమ్మకంగా ఉన్నామో మన గురించి మనం సరైన అంచనా వేసుకోవాలని ఆయన ఆశిస్తున్నారు.

తన్నుతాను ఎంచుకొనతగిన దాని కంటె ఎక్కువగా ఎంచుకొనక, దేవుడు ఒక్కొక్కనికి విభజించి ఇచ్చిన విశ్వాస పరిమాణ ప్రకారము, తాను స్వస్థబుద్ధి కలవాడగుటకై తగిన రీతిగా తన్ను ఎంచుకొనవలెను (రోమా 12:3)

నిన్ను నువ్వు చూసే విధానంలో సరిచేసుకునే మార్గాలు ఏమైనా ఉన్నాయా?

Why Humility Is a Safeguard for Us

"ప్రతీరోజూ ఒకోరోజుగా" : బైబిల్ సూత్రం

"ప్రతీరోజూ ఒకోరోజుగా" టీవి షాల్లో ఇది ఒక పాట. కాని ఇది మన రోజూవారీ ఒత్తిడిని ఎదుర్కోవడానికి బైబిల్ ఇచ్చే మంచి సూత్రం కూడా.

మత్తయి 6 లో మన రక్షకుని నుండి మనకు సహాయపడే అద్భుతమైన సలహా ఉంది. చింతించడం మరియు ప్రాధాన్యతలు గురించిన మాటతో అది ముగిస్తుంది.

రేపటినిగూర్చి చింతింపకండి; రేపటి దినము దాని సంగతులనుగూర్చి చింతించును; ఏనాటికీడు ఆనాటికి చాలును (మత్తయి 6:34).

ఆరోగ్యకరమైన క్రైస్తవ జీవితానికి ఇది చాలా కీలకమైనది. అంతే కాకుండా దీనికి పై వచనంలో చాలా ముఖ్యమైన సత్యం ఉంది. "ఆయన రాజ్యమును నీతిని మొదట వెదకుడి" (మత్తయి 6:33).

సంబంధాల్లో ఉండే సంవత్సరానికి సరిపడా సమస్యలను 24 గంటల్లో వ్యవహరించగలమా? అలానే ఆర్ధిక సవాళ్ళు లేక ఆరోగ్య సమస్యల సంగతేంటి?

కీడు జరగకుండా మనం తప్పించుకోలేము కాని, దేవుని ఉద్దేశాలను వెదకడం ద్వారా, ఏరోజుకారోజు ఆయనను నమ్ముకోవడం వలన ఆందోళన నుండి మాత్రం తప్పించుకోగలము.

దేవునికి మన భవిష్యత్తు తెలుసు, మనకు జరిగే కీడును కూడా మన మేలుకై ఉపయోగిస్తారనే ఆయన వాగ్దానం మనకుంది (1 యోహాను 5:1-5; రోమా 8:28).

కనుక రేపు, ఆ తరువాత రోజు, అటు తరువాత రోజు దేవుని రాజ్య ప్రణాళికలను వెదకడానికి నిద్ర లేద్దాం. ఆ రోజుకు సరిపడా బలాన్ని, ధైర్యాన్ని దేవుడు ఇస్తారని నమ్ముదాం.

One Day at a Time: A Biblical Principle

నీ షూస్ లోనే కాలు పెట్టు - ఎఫెసీ 2:10

 నా సూట్కేస్లో అవి సరిపోలేదు, అందుకనే నా షూస్ కొన్ని నా స్నేహితురాలికి ఇచ్చాను.

అవి ఆమె సైజు కాదు, కాని అవి దాదాపు కొత్తవి, దాదాపు ఆమె సైజే కాబట్టి అవి సరిపోతాయి అని అనుకుంది. కాని అవి ఆమెకు అంత సౌకర్యవంతముగా లేవు.

ఒక మధ్యాహ్నం అవి వాడుతున్న సమయంలో, దేవుడు ఆమె ఎలా ఉండాలని, ఆమె ఏమి చేయాలని కోరుతున్నారో అనే కొన్ని ప్రశ్నలతో ఆమె నిండిపోయింది. అలాంటి సమయంలో ఆమెకు ఒక వెలుగింపు కలిగింది : "వేరే వారిలా ఉండాలని ప్రయత్నించడం ఆపు. నువ్వు ఎప్పటికీ ఇతరుల షూస్ ని నింపలేవు" అని.

"ఆహా, ఇదేంత స్వాతంత్రాన్నిచ్చే క్షణం", అంది ఆమె. ఆమె సైజు దేవునికే తెలుసు. ఆమె కోసమే ప్రత్యేకంగా నిర్ణయించబడిన ప్రణాళికలు దేవునికున్నాయి (ఎఫెసీ 2:10).

నువ్వు కూడా వేరే వారిలా ఉండాలని కోరుకున్నావా : ఇంకా చిన్న వయస్సు ఉంటే, ఇంకా పెద్ద వయస్సు ఉంటే, పెళ్ళైతే, ఒంటరిగా ఉంటే, పొడుగ్గా ఉంటే, పొట్టిగా ఉంటే, లేక వేరే తలాంతులతో లేక సామర్ధ్య్యాలతో ఉంటే? అని 

ఇతరులలో ఉన్న దైవికమైన ప్రవర్తనను, విశ్వాస్యతను, భయభక్తులను అనుకరించవచ్చు కాని వారి వ్యక్తిత్వాలను కాదని, అలానే ఇతరుల జీవితాలను చూసి ఆశపడకూడదని దైవ లేఖనాలు చెబుతున్నాయి. (1 కొరింథీ 11:1, ఫిలిప్పీ 3:17).

ఒకొక్కరికోసమే ప్రత్యేకంగా దేవుడు ప్రణాళికలు రూపొందించారు.

కనుక నీ షూస్ లోనే కాలు పెట్టి, దేవుడు నీకిచ్చిన తలాంతులు, వ్యక్తిత్వం, ఎంత వరకు నువ్వు ప్రభావితం చేయడానికి ఆయన నిర్ణయించారో వీటన్నింటిని బట్టి ఆయన నిర్దేశించిన మార్గంలో నిన్ను నడిపించమని ఆయనను అడుగు.

Slip On Your Own Shoes – Ephesians 2:10

సిద్ధపడు : కుటుంబం నుండి హింస రావొచ్చేమో

 కొన్ని సంవత్సరాలక్రితం, జీవితంలో కొన్ని సవాళ్ల వలన ఫిర్యాదు చేసే సమయంలో యిర్మీయ 12:5-6 ద్వారా దేవుని ఆత్మ నాతో మాట్లాడుతున్నట్టు అనిపించింది.

5 వ వచనంలో, దేవుడు, ఫిర్యాదు చేయడం మానేసి, అధిక సవాళ్ళకోసం సిద్దపడుమని యిర్మీయాతో కవిత రూపంలో చెబుతారు.

తరువాత ఆరవ వచనంలో దేవుడు యిర్మీయా జీవితంలో ఒక బాధాకరమైన విషయాన్ని బయలుపరుస్తారు. "నీ సహోదరులు సహితము నీ తండ్రి ఇంటివారు సహితము నీకు ద్రోహము చేయుచున్నారు; నీ వెంబడి గేలిచేయుదురు, వారు నీతో దయగా మాటలాడుచున్నను నీవు వారిని నమ్మకూడదు".

యిర్మీయ దైవికమైన వ్యక్తి, నైతిక విలువలు లేని రోజుల్లో దేవుని సత్యాన్ని నమ్మకంగా ప్రకటించిన వ్యక్తి. తన కుటుంబం తనను మోసం చేశారు, తనపై నిందలు వేశారు.

క్రైస్తవులు కొన్నిసార్లు "అత్యధిక ఆశావాదుల" మనస్తత్వం కలిగి ఉండటంలో అపరాదులు. ముఖ్యంగా కుటుంబానికి వచ్చేసరికి, ఎప్పుడూ ప్రతిదీ మంచిగా మారుతుంది అని ఆలోచిస్తారు.

కాని అలా జరగకపొతే? స్నేహితులను, కుటుంబాన్ని సంతోషపెట్టాలని మన విలువలను మార్చుకుంటామా? దేవుని ప్రేమతో నిండిన ఆజ్ఞలు గురించి చెప్పడం మానేస్తామా? సువార్త గురించి మన అవగాహన మార్చుకుంటామా?

యేసుని కూడా తన కుటుంబం తృణీకరించింది. మన బాధేంటో ఆయన అర్ధం చేసుకోగలరు (యోహాను 7:3-7).

మత్తయి 10 అధ్యాయంలో ఆయన తన శిష్యులను పంపేటప్పుడు ఒక హెచ్చరికనిస్తారు, మనం కూడా ఆ హెచ్చరికను తీసుకోవాలి. ఒకవేళ కుటుంబం మోసం చేసినా, ప్రపంచంమే వారిని చెడ్డవారు అని ముద్ర వేసిన, ఆత్మ నడిపింపుతో సత్యాన్నే పలకాలి అని ఆయన చెప్పారు (మత్తయి 10:16-39).

తండ్రినైనను తల్లినైనను నా కంటె ఎక్కువగా ప్రేమించువాడు నాకు పాత్రుడుకాడు; కుమారునినైనను కుమార్తెనైనను నాకంటె ఎక్కువగా ప్రేమించువాడు నాకు పాత్రుడు కాడు (మత్తయి 10:37).

పెరగబోతున్న హింసలకు సిద్దపడాలి అనుకుంటే, మనం అత్యంత ప్రేమించేవారికంటే, యేసునే ఎక్కువ ప్రేమించాలి.

సిద్ధపడు : కుటుంబం నుండి హింస రావొచ్చేమో 

యెషయాకు తన గురించి తనకున్న అభిప్రాయం

చాలా మంది క్రైస్తవులకు యెషయా 6:8 బాగా పరిచయం ఉన్న వచనం. ఇందులో యెషయా "నేనున్నాను నన్ను పంపు" అని దేవునితో చెప్తాడు.

ఇందులో దేవుని పిలిపుకు యెషయా స్పందనను చూస్తాం, కాని ఈ ఆరో అధ్యాయం యొక్క పూర్తి సందర్భం మనం తెలుసుకోవడం చాలా ముఖ్యం.

దేవుడు మొదటగా మాట్లాడినప్పుడు, యెషయా తను అర్హుడు కాదని భావించాడు. నిజమైన విశ్వాసానికి ఇది ఉండటం చాలా ప్రాముఖ్యం. దేశం నాశనాన్ని చూడటానికి, యెషయాకి వారు చేసే పాపంలో ఎటువంటి ప్రమేయం లేదు. లేదంటే దేవుడు తనకు కనిపించేవాడు కాదు. అయినప్పటికీ తాను ఎంతో పాపి అని గ్రహించాడు. తగ్గింపు, తన గురించి తనకున్న అవగాహన, దేవుని పనిని విశ్వాస్యతతో చేయడానికి చాలా అవసరం. దేవుని యొక్క పరిశుద్ధత, పరిపూర్ణత మనం నిజంగా అర్ధం చేసుకున్నప్పుడు, అలానే దేవుని వాక్యంలో ఉన్న నియమాలను కూడా నిజంగా అర్ధం చేసుకున్నప్పుడు, మన పాపాల విషయంలో మనం చాలా తీవ్రంగా వ్యవహరిస్తాం.

దేవుడు ఎప్పుడైతే తన పాపాలు కడిగివేయబడ్డాయి, తన హృదయం ఆయన ఎదుట సరైనదిగా ఉందని సంకేతాన్ని ఇచ్చారో, అప్పుడు యెషయా "నేనున్నాను నన్ను పంపు" అని చెప్పాడు.

చాలా మంది పాస్టర్లు, బోధకులు మంచి పునాదితోనే వారి పిలుపును మొదలుపెడతారు కాని కొంత దూరం వచ్చాక, గర్విష్టులుగా మారిపోతారు. వాళ్ళ వ్యక్తిగత పాపాలు గురించి పట్టించుకోవడం మానేస్తారు, దానివల్ల సేవలో నాశనాన్ని చూస్తారు.

ఎవరైతే బోధించడానికి అర్హత కలిగి, పాపానికి వ్యతిరేకంగా ఉన్న దేవుని తీర్పును గురించి ప్రకటిస్తారో, వారిని వారే ముందుగా తీర్పు తీర్చుకోవాలని వాక్యం చెబుతుంది (మత్తయి 7:1-5), వారే వారి వ్యక్తిగత పాపాలు గురించి ఎంతో జాగ్రత్త వహించి, ప్రార్ధనాపూర్వకంగా వ్యవహారించాల్సిన అవసరం చాలా ఉంది. ఫిలిప్పీ 2:12,13 దీనినే ఈ విధంగా వివరిస్తుంది "భయముతోను వణకుతోను మీ సొంతరక్షణను కొనసాగించుకొనుడి. ఎందుకనగా మీరు ఇచ్ఛయించుటకును కార్యసిద్ధి కలుగజేసికొనుటకును, తన దయాసంకల్పము నెరవేరుటకై మీలో కార్యసిద్ధి కలుగజేయువాడు దేవుడే."

దేవుడిని మన మాటలతోనే కాదు, మన జీవితంతో కూడా సంతోషపెట్టాలి అనే తీవ్రమైన కోరికను మనం ఎప్పుడు విడిచిపెట్టకుందుము గాక!

Isaiah's View of Himself

ఒక వెర్రివాడు, జ్ఞానవంతుడుగా ఎలా కనబడగలడో నీకు తెలుసా?

మనతో సమ్మతించే వారితో కలిసిపోవడం చాలా సులువే. కాని మనలో పరిపక్వత మరియు విశ్వాసపు నాణ్యత, మనతో సమ్మతించని వారిని బట్టే పరీక్షింపబడుతుంది (యాకోబు 1:2-5)

🩵 మనం వింటున్నామా?

సంగతి వినకముందు ప్రత్యుత్తరమిచ్చువాడు తన మూఢతను బయలుపరచి సిగ్గునొందును. (సామెతలు 18:13)

🩵 మనం మాట్లాడకముందు ఆలోచిస్తున్నామా?

నీతిమంతుని మనస్సు యుక్తమైన ప్రత్యుత్తరమిచ్చుటకు ప్రయత్నించును భక్తిహీనుల నోరు చెడ్డమాటలు కుమ్మరించును (సామెతలు 15:28)

🩵 మనం కృపాసహితంగా వ్యక్తపరుస్తున్నామా?

బుద్ధిహీనుని పెదవులు కలహమునకు సిద్ధముగానున్నవి. దెబ్బలు కావలెనని వాడు కేకలువేయును. బుద్ధిహీనుని నోరు వానికి నాశనము తెచ్చును వాని పెదవులు వాని ప్రాణమునకు ఉరి తెచ్చును. (సామెతలు 18:6,7)

🩵 మనం తగ్గింపుతో మాట్లాడుతున్నామా?

అహంకారియైన గర్విష్ఠునికి అపహాసకుడని పేరు అట్టివాడు అమితగర్వముతో ప్రవర్తించును. (సామెతలు 21:24)

మన సంబంధాలలో ఈ క్రింది రెండు వచనాలు పాటిస్తే, ఎన్నో సమస్యలు పరిష్కారం అవుతాయి.

🌟 ఫిలిప్పీయులకు 2:3,4 - కక్షచేతనైనను వృథాతిశయముచేతనైనను ఏమియు చేయక, వినయమైన మనస్సుగలవారై యొకనినొకడు తనకంటె యోగ్యుడని యెంచుచు, మీలో ప్రతివాడును తన సొంతకార్యములను మాత్రమేగాక యితరుల కార్యములను కూడ చూడవలెను.

🩵 చివరిగా, కేవలం మన అభిప్రాయాన్నే పంచుకోవాలని, ఇతరులపై ఆరోపణలు వేయాలని, లేక మనం చూసినట్టే ఇతరులు కూడా చూడాలని ఆజ్ఞాపించడానికే గనుక మనం చర్చలో పాల్గొనే వారమైతే, ఈ క్రింది వచనంలో నుండి ఆఖరి జ్ఞానయుక్తమైన మాటను మనం వినాలి :

ఒకడు మూఢుడైనను మౌనముగా నుండినయెడల జ్ఞాని అని యెంచబడును అట్టివాడు పెదవులు మూసికొనగా వాడు వివేకి అని యెంచబడును. (సామెతలు 17:28)

Do You Know What Makes a Fool Look Wise?