కారణం లేకుండానే వారు చనిపోయారా?

ప్రమాదకరమైన ఆఫ్రికా సుడాన్ ప్రాంతానికి మిషనరీలుగా వెళ్ళడానికి ఏ మిషన్ సంస్థ స్పాన్సర్ చేయకపోవడంతో, 1893 లో టామ్, వాల్టర్, రౌలాండ్ అనే వారు అక్కడికి స్వంతంగా వెళ్తారు.

అక్కడ గ్రామాల్లో ఉన్న ప్రజలకు సువార్త ప్రకటించాలనే ప్రయత్నాలు చేస్తూ విఫలమై, ఆ ప్రయత్నాల మధ్యలోనే వ్యాధులు సోకి, సంవత్సరం తిరగకుండానే టామ్, వాల్టర్ చనిపోతారు.

దీని అర్ధం, వారి జీవితం పనికిరానిదిగా వృధా అయిపోయిందనా?

కానే కాదు.

సరిగ్గా చనిపోయే ముందు వాల్టర్ గౌయన్స్ ఈ క్రింది మాటలు వ్రాసాడు :

"దేవునికి మహిమ కలుగును గాక! నా జీవితం పూర్తి ఓటమిలా, ఒక వైఫల్యంలా అనిపించినా, అది నిజం కాదని నేను చెప్పగలను. ఎందుకంటే సుడాన్ కోసం కఠినమైన పోరాటాన్ని పోరాడటానికి దేవుడే నాకు ఆ సామర్ధ్యాన్నిచ్చాడు. మనం తప్పక విజయం సాధిస్తాం. ఈ సాహసాన్ని తలపెట్టినందుకు నేనేమీ విచారపడట్లేదు. ఎందుకంటే ఇలాగైనా నా జీవితం వ్యర్థమయిపోలేదు గనుక"

వెళ్లిన వారిలో రౌలాండ్ బింగ్హం ఒక్కడే బ్రతికి, సూడాన్ లో ఒక మిషన్ నెట్వర్క్ విజయవంతంగా స్థాపించగలిగాడు.

నువ్వు కూడా దేవుడు కోరాడని ఏదైనా చేసావా, కాని దాని ఫలితం నువ్వు ఊహించినట్టు లేదా?

నేను చేసాను. కాని ఎప్పుడైతే నేను దేవుణ్ణి పూర్తిగా నమ్మి ఆయన చిత్తాలకు లోబడతానో, ఫలితాలకు మాత్రం నేను భాధ్యురాలను కానని నేర్చుకుంటున్నాను.

మనము బ్రదికినను ప్రభువు కోసమే బ్రదుకుచున్నాము; చనిపోయినను ప్రభువు కోసమే చనిపోవుచున్నాము. కాబట్టి మనము బ్రదికినను చనిపోయినను ప్రభువువారమై యున్నాము. (రోమీయులకు 14:8)

నా ఒకే కోరిక - దేవునికి పూర్తి విధేయత చూపడం. 

పౌలు వివరించినట్టుగా :

"... నా బ్రదుకు మూలముగానైనను సరే, చావు మూలముగానైనను సరే, క్రీస్తు నా శరీరమందు ఘనపరచబడునని నేను మిగుల అపేక్షించుచు..." (ఫిలిప్పీయులకు 1:19,20)

----------

ఇంకో ఉదాహరణ : ఈ కధ, నాకు నలుగురు హతసాక్షుల కథను గుర్తుచేసింది. వీరు 1956 లో ఎక్యూడోర్ స్థానికులకు సువార్త ప్రకటించడానికి వెళ్ళి హతసాక్షులైపోయారు. వీరి మరణం కొందరికి ఓటమిలాగా కనిపించొచ్చు. కాని వీరి సాక్ష్యం అనేకమంది రక్షణకు, వీరిని చంపిన వారి రక్షణకు కూడా దారితీసింది.

Did They Die for No Reason?

దేవుని వాక్యం పొరపాటులేనిదని నమ్మటం!

 

దేవుని వాక్యం పొరపాటులేనిదని నమ్మటం క్రైస్తవ విశ్వాసంలో అతిముఖ్యమైన సిద్ధాంతం. (హెబ్రీయులకు 4:12 మరియు  2 తిమోతి 3:16-17 చూడండి)

~ దాని అర్ధం ఏమిటంటే :

1. బైబిల్ పూర్ణంగీకారయోగ్యమైనది, ఖచ్చితమైనది, సత్యమైనది.

2. అది మనుష్యుల చేత వ్రాయబడినదైనా, ప్రతీ లేఖనం దైవావేశం వలన కలిగినది. దేవుని వాక్యం మనిషి చేత మలినమైనది కాదు లేక పక్షపాతానికి గురైనది కాదు. (1)

• అలాగని లేఖనభాగాలను మనం ఉన్నది ఉన్నట్లు తీసుకోకూడదు.

బైబిల్ లో కొన్ని చోట్ల అలంకారిక భాష వాడటం జరిగింది.. దానిని ఉన్నది ఉన్నట్లు తీసుకోకూడదు. (2)

• అలాగని ప్రతీ సంస్కృతి బైబిల్ సిద్ధాంతాలను ఒకే రీతిగా వర్తించుకుంటాయని కాదు. బైబిల్ సిద్ధాంతాలు సార్వత్రికమైనవే అయినప్పటికీ, వాటి వర్తింపు ఒకొక్క సంస్కృతికి వేరుగా ఉంటుంది (ఉదా : నిరాడంబరత)

• అలాగని ప్రతీ అనువాదం (తర్జుమా) ఏ లోపంలేనిదని కాదు. కొన్ని అనువాదాలు కొన్నింటికంటే ఇంకొంత ఎక్కువ ఖచ్చితత్వం కలిగి ఉన్నాయని అర్థం. (3)

• అలాగని వాటి సంబంధిత సంస్కృతి మరియు చరిత్ర మనం తెలుసుకోకూడదని కాదు. పాత నిబంధనలో ఉన్న ఆజ్ఞలు మరియు పరిస్థితులు వాటి సంబంధిత సంస్కృతి మరియు చరిత్ర తెలుసుకోవడం ద్వారానే అర్ధంచేసుకోగలం. కాని సంస్కృతి మరియు చరిత్ర కొత్త నిబంధనలోని ఆజ్ఞలను, సిద్ధాంతాలను ఏమి తిరస్కరించవని గుర్తుపెట్టుకోవాలి.

బైబిల్లో ఉన్న ప్రతీ లేఖనభాగం మనకు అర్థంకాకపోవచ్చు, కాని అది "దైవావేశం" వలన కలిగినదని మనకు తెలుసు.. దైవావేశం అంటే ఒక కవి భాషలో వందశాతం ఖచ్చితమైనదని చెప్పడం అనమాట!

నోట్స్ :

(1) ఒకడు తన ఊహనుబట్టి చెప్పుటవలన లేఖనములో ఏ ప్రవచనమును పుట్టదని మొదట గ్రహించుకొనవలెను. ఏలయనగా ప్రవచనము ఎప్పుడును మనుష్యుని ఇచ్ఛనుబట్టి కలుగలేదు గాని మనుష్యులు పరిశుద్ధాత్మ వలన ప్రేరేపింపబడినవారై దేవుని మూలముగ పలికిరి. (2 పేతురు 1:20,21)

ఇందులో పాత నిబంధన కూడా ఉంది.

రోమీయులకు 15:4 - ఏలయనగా ఓర్పువలనను, లేఖనములవలని ఆదరణవలనను మనకు నిరీక్షణ కలుగుటకై పూర్వమందు వ్రాయబడినవన్నియు మనకు బోధ కలుగు నిమిత్తము వ్రాయబడియున్నవి.

పేతురు కూడా పౌలు పత్రికలను లేఖనాలని సూచించడం 2 పేతురు 3:14-16 లో చూడగలం.

లేఖనాలలో కొన్ని భాగాలు మనిషి మాటలుగా తీసుకోవాలి అని ఎవరైనా అనుకుంటే, లేఖనాలలో ఉన్న ప్రతీదీ - ఉదా : క్షమాపణ, కృప, రక్షణ వంటివి కూడా సందేహించాలి మరి!

(2) దేవుని వాక్యం పొరపాటులేనిదని నమ్మటం అంటే భూమి సమమైనది, చెట్లు చప్పట్లు కొడతాయి అని నమ్మడం కాదు.

(3) దేవుడు ఆమోదించిన అనువాదం ఇదొక్కటే అని చెప్పే వారి వాదనలలో దయచేసి చిక్కుకోకండి.

(4) ఎందుకు దేవుడు లోతు తన కూతుర్లను దుర్వినియోగం చేయనివ్వడానికి అనుమతించాడు కాని దేవదూతలను కాదు (ఆదికాండము 19:8) అని ఈ మధ్య ఒకరు నన్ను అడిగారు. అది దేవుడు ఆమోదించినది కాదు. లేఖనాల్లో ఉన్నంతమాత్రానా అది దేవుడు ఆమోదించినట్లు కాదు. లోతు యొక్క చర్యలు రెండు సందర్భాల్లో చెడుగానే ఉన్నాయి. ఇది గనుక మనుషులు తయారుచేసిన 'మతం' అయితే వారు అన్నిటిని సర్దేసి, దేవుని పిల్లలను ఏ లోపం లేనివారుగా చూపించే ప్రయత్నం చేస్తారు. కాని దేవుడు తన ప్రజల జీవిత చరిత్రలను యదార్ధంగా వారి పాపాలతో సహా ఉన్నది ఉన్నట్లుగా మన ముందు పెట్టాడు. ఉదా : దావీదు, అబ్రహాము మొదలైనవారు.

Believing God's Word Is Inerrant

ప్రాధమికమైనవి దాటి ముందుకు సాగిపోవుట!

 

"నీకు తెలియని సమాచారంతో దేవుడు నిన్ను ముందుకు నడిపించలేడు" - రాల్ఫ్ వింటర్

ఒక విద్యార్థి, శస్త్రవైద్యుడు కాకముందు ప్రాథమిక అంశాలను నేర్చుకోని, అప్పుడు ఇంకా తీవ్రమైన విద్యాభ్యాసంలోనికి, తరువాత సాధనలోనికి వెళ్తాడు. తన లక్ష్యం చేరుకున్నాక కూడా, ఆ జ్ఞానాన్ని ఇంకా అప్డేట్ చేసుకుంటూ, ఇంకా ఎక్కువ చదువుకుంటూ, నేర్చుకున్న కొత్త అంశాలను ఉపయోగిస్తుంటాడు.

అలా చేయకపోతే, మనుషుల జీవితాలను అతను ఫణంగా పెట్టినట్టే.

క్రైస్తవులు కూడా దేవుని ఇంకా తెలుసుకోవాలనే తమకున్న పిలుపును నెరవేర్చడానికి ఉద్దేశపూర్వకమైన ప్రణాళికలు కలిగి ఉండాలి, ఎందుకంటే ఇలాంటివి వాటంతట అవే జరిగిపోవు గనుక (ఫిలిప్పీ 2:12-13).

బైబిల్ మనకు ఇచ్చే ఆజ్ఞలు ఏమిటంటే :

• 1. మొదటగా ప్రాథమికమైనవి నేర్చుకోని, ఆచరణలో పెట్టాలి - "నిర్మలమైన వాక్యమను పాలను అపేక్షించాలి " (1 పేతురు 2:2-3).

• 2. అప్పుడు విశ్వాసంలోనికి లోతుగా వెళ్ళాలి - "బలమైన ఆహారం తినాలి" (1 కొరింథీయులకు 3:1-2; హెబ్రీయులకు 5:12; 2 తిమోతి 2:15).

చాలామంది విశ్వాసులు, మన సమాజంలో ప్రబలమైన తప్పుడు సిద్ధాంతాలతో దారి తప్పిపోతున్నారు (కొలస్సీయులకు 2:8). వీరు "జ్ఞానంలేనివారై నశించిపోతున్నారు". దీనికి కారణం వీరు విశ్వాసంలో ఎదగడానికి ఎటువంటి ఉద్దేశపూర్వకమైన ప్రయత్నాలు చేయకపోవడమే (హోషేయ 4:6).

మనం ఉద్దేశపూర్వకంగా ఉందాము ప్రియ క్రైస్తవులారా! ఎందుకంటే మన జీవితాలు, మన ప్రాణాలనే కాదు, మనం ప్రభావం చేసే ఇతరుల ప్రాణాలను కూడా ఫణంగా పెడతాయి గనుక!

Moving Past the Basics

ఎప్పుడు పోరాడాలి, ఎప్పుడు మౌనంగా ఉండాలి?

నిర్గమకాండము 14 లో ఇశ్రాయేలీయులకు భయాందోళనలు పట్టుకున్నాయి. దగ్గరకు వస్తున్న ఐగుప్తియులు వారిని తప్పక చంపేస్తారని వారు రూడిగా నమ్మారు. ఇంక వారు ఏమి చేయలేని స్థితికి వచ్చేసారు.

అప్పుడు మోషే ఈ ఆజ్ఞలు ఇచ్చాడు (13:14 వచనాలు):

1. భయపడకుడి.
2. స్థిరంగా ఉండుడి.
3. ఊరక నిలిచి ఉండి చూడుడి.

ఇంక మిగతా కథంతా మనకు తెలిసినదే. వారు ఎర్ర సముద్రం దాటి ఆరిన నేలపై నడిచి వెళ్తారు.

ఇశ్రాయేలీయులులానే కొన్నిసార్లు మన విశ్వాసం కూడా దాడికి గురవుతుంది.. అప్పుడు మనం కూడా ఏమి చేయలేము.

అలాంటప్పుడే మనం :

1. భయపడటానికి నిరాకరించాలి.
దేవుడు మనతోనే ఉన్నారని నమ్మాలి (యెషయా 41:10).

2. స్థిరంగా ఉండాలి.
మనకు కనిపించని దేవుని ఉద్దేశాలపై నమ్మకం కలిగి ఉండాలి (హెబ్రీయులకు 11:1).

3. ఊరక నిలిచి ఉండి చూడాలి.
మన సామర్ధ్యంపై కాక దేవుని సామర్ధ్యంపై నమ్మకం పెట్టుకోవాలి (కీర్తనలు 37:7; కీర్తనలు 40:1; కీర్తనలు 46:10; విలాపవాక్యములు 3:26). 

14వ వచనం కీలకమైనది : "యెహోవా మీ పక్షమున యుద్ధము చేయును." (నిర్గమకాండము 14:14)

అనేక సందర్భాల్లో మన చురుకైన ప్రమేయం అవసరం మరియు మంచి పోరాటాన్ని దేవుని అజ్ఞానుసారం పోరాడాలి (1 తిమోతి 6:12). కాని ఇతర సందర్భాల్లో మన భయాలతోనే మనం పోరాడాలి. ఎలాగంటే, మన విశ్వాసాన్ని గట్టిగా పట్టుకోవడం ద్వారా, ఊరక నిలిచి ఉండటం ద్వారా, మన బదులు దేవుణ్ణి యుద్ధం చెయ్యనివ్వడం ద్వారా.

ప్రియమైన ప్రభువా, ఎప్పుడు పోరాడాలో , ఎప్పుడు మౌనంగా ఉండాలో తెలుసుకునే జ్ఞానాన్ని దయచేయి!

When to Fight and When to be Still

దేవుడు మన పాపాలను తుడిచివేస్తాడు!

 

పెన్న్సిల్స్ను ఎందుకు పసుపు రంగుతో పెయింట్ చేస్తారో నీకు తెలుసా?

అత్యుత్తమమైన గ్రాఫైట్ 1800 లో చైనా నుండి వచ్చింది.. ఈ పసుపు రంగును వారు రాజరికపు రంగుగా భావిస్తారు గనుక, ఈ రంగు వేయడంలో వారి ఉద్దేశం అత్యుత్తమమైనది అందించాలని. వింత ఏమిటంటే, ఇప్పుడు పసుపు రంగు పెన్సిల్స్ చాలా సాధారణం అయిపోయి, ఎంతమాత్రము రాజారికానికి గుర్తుగా లేవు.

అసలు పెన్సిల్స్ ఎందుకు అంత తేలికగా ఇప్పుడు ఎక్కడైనా దొరుకుతున్నాయి అంటే అవి మన సొంత భావాలను చూపే ఒక విప్లవాన్ని తీసుకొచ్చాయి గనుక. ఇవి రాతి మీద చెక్కబడిన దానికి లేక చర్మపు కాగితం మీద వేసే సిరాలకు భిన్నంగా ఉండి, మనుషులు తమ తప్పులను తుడిచి వేసుకోవడానికి అవకాశాన్నిస్తున్నాయి.

అందుకనినేమో మనకు కంప్యూటర్ అంటే అంత ప్రేమ. ఇది పెన్సిల్ కంటే ఇంకా మంచి ఎంపిక. ఒక ఎరేజర్ అవసరం కూడా లేకుండా, మన తప్పులను తుడిచివేసుకోవడానికి ఒక డిలీట్ బటన్ నొక్కి, మళ్ళీ మొత్తం నూతనంగా మొదలుపెట్టొచ్చు.

కాని దేవుడు మనుషులు కనిపెట్టిన వీటన్నింటికంటే మించినవాడు :

యెహోవా ఈ మాట సెలవిచ్చుచున్నాడు రండి మన వివాదము తీర్చుకొందము మీ పాపములు రక్తమువలె ఎఱ్ఱనివైనను అవి హిమము వలె తెల్లబడును కెంపువలె ఎఱ్ఱనివైనను అవి గొఱ్ఱబొచ్చువలె తెల్లనివగును. (యెషయా 1:18)

• చట్టపరముగా మనకు విరోధముగా నమోదు చేయబడిన మన పాపాలను మన దేవుడు "తుడిచివేయడం" మాత్రమే గాక, చెరగని శాశ్వతమైన సిరాతో "పూర్తిగా చెల్లించబడింది" అని వ్రాసి సంతకం చేశారు. (గలతీ 3:10-14)

ఈ అద్భుతమైన సత్యాన్ని మనం రోజూ మర్చిపోకుండా తలుచుకోవాల్సిందే (కీర్తన 103:1-3).

God Erases Our Sins

అపనిందలకు గురైనవారికి పౌలు సలహా

నువ్వు చెయ్యని తప్పుకు ఎవరైనా నిన్ను నిందించారా? పౌలుకు కూడా ఇదే సమస్య ఎదురైంది (ఫిలిప్పీ :15-18; 2 తిమోతి 4:14). అందుచేత 1 కొరింధీ 4:1-5 లో  దేవుడు పౌలు చేత దీని గురించి వ్రాయించడంలో ఆశ్చర్యం లేదు.

ఇతరుల అభిప్రాయాలను గాని మన సొంత అభిప్రాయాలను గాని మనం నమ్మకూడదని పౌలు చెబుతున్నాడు. కాని యేసు క్రీస్తు తిరిగి వచ్చే వరుకు కొన్ని చీకటి రహస్యాలు, వ్యక్తిగత అభిప్రాయాలు బయలుపరచబడకపోయినా, దేవుని తీర్పును మాత్రమే మనం నమ్మగలం.

ఈ జ్ఞానాన్ని మన జీవితాలకు ఈ విధంగా ఉపయోగించవచ్చు :

1. మనలను మనం నమ్ముకోకుండా, వాక్యంలో ఉన్న దేవుని నడిపింపును, దిద్దుబాటును నమ్మి, శుద్ధమైన మనస్సాక్షిని కలిగి జీవించుట. (2 తిమోతి 3:16).

2. ఇతరులు నిన్ను తప్పుగా, అన్యాయంగా నిందించినా లేక నిన్ను చెడుగా చూపించడానికి పరిస్థితులను నీకు వ్యతిరేకంగా ఉపయోగించినా, నిన్ను గురించిన నిజమైన ఆమోదం, ఆదరణ దేవునిలో ఉందని నమ్మి విశ్రమించుట. (2 కొరింథీ1:3-5).

3. ఇతరుల నిరాధారమైన ఆరోపణలను నిరాకరించుట (కీర్తనలు 17:4).

అపనిందలు మనలను ఎంతో గాయపరచవచ్చు కాని అవి మనలను మేలు చేయలేనివారిగా మార్చనివ్వకూడదు. ఎందుకంటే "మనము మేలు చేయుటయందు విసుకకయుందము. మనము అలయక మేలు చేసితిమేని తగినకాలమందు పంట కోతుము". (గలతీయులకు 6:9)

Paul's Advice When Slandered

శ్రమలు నాకు నేర్పిన ఆరు పాఠాలు!

 

మన జీవితాల్లో ఉన్న కష్టాలు, మనకు మంచి "గురువులు".

నా వ్యక్తిగత అనుభవంలో, శ్రమలు నాకు :

1. దేవుని స్వభావం ఏమిటో తెలుసుకునే స్పష్టతనిచ్చాయి.
2. నన్ను స్వార్ధం తగ్గించుకునేలా చేసాయి.
3. నన్ను గర్వం తగ్గించుకునేలా చేసాయి.
4. ఆత్మీయంగా, మానసికంగా నన్ను బలపరిచాయి.
5. ఇతరుల సమస్యలకు, బాధలకు సున్నితంగా స్పందించే వ్యక్తిగా నన్ను మార్చాయి.
6. ఎక్కువ కృతజ్ఞత భావం నాలో నింపాయి.

అయినా నేను ఇంకా గర్వంగా, స్వార్ధంగా, ఆత్మీయంగా, మానసికంగా బలహీనంగా, ఇతరుల సమస్యలకు సున్నితత్వంలేని వ్యక్తిగా, కృతజ్ఞతలేని వ్యక్తిగా ఉండొచ్చు. కాని వేరే ఏదీ ఇవ్వనంతగా ఈ శ్రమలు నాకు విశ్వాసంలో పరిపక్వతనిచ్చాయని నేను ఖచ్చితంగా చెప్పగలను.

జరిగిన సంఘటనలవల్ల నా హృదయం పగిలినా, ఆ నొప్పితో కూడిన అనుభవాలు నా ఎదుగుదలకు ఉపయోగపడ్డాయి గనుక నేను నిజంగా కృతజ్ఞతతో నిండిపోతాను.

"నానా విధములైన శోధనలచేత" మనం శ్రమలు అనుభవించినప్పుడు, మన విశ్వాసం ఈ పరీక్షలకు నిలిచినదైతే, "అది సువర్ణం కంటే విలువైనదని" దేవుడు చెబుతున్నాడు (1 పేతురు 1:6-7).

• కాబట్టి, మీ విశ్వాసమునకు కలుగు పరీక్ష ఓర్పును పుట్టించునని యెరిగి, మీరు నానా విధములైన శోధనలలో పడునప్పుడు, అది మహానందమని యెంచుకొనుడి. మీరు సంపూర్ణులును, అనూనాంగులును, ఏ విషయములోనైనను కొదువలేనివారునైయుండునట్లు ఓర్పు తన క్రియను కొనసాగింపనీయుడి. (యాకోబు 1:2-4)

హెబ్రీయులకు 12:1-12 చూడండి!

6 Things Suffering Has Taught Me