కొన్నిసార్లు హృదయాన్ని చూడటం మనం మర్చిపోతాం

దేవుడు మనిషి బాహ్య రూపాన్ని కాని, లోకంలో అతనికున్న గొప్ప స్థాయిని కాని చూడడు. దేవుడు హృదయాన్ని చూసేవాడు...

కాబోయే రాజును అభిషేకించడానికి సమూయేలు వచ్చాడు. ఎత్తుగా, అందంగా ఉన్న పెద్ద అన్న ఏలియాబే ఆ కాబోయే రాజు అయి ఉండొచ్చు అని సమూయేలు అనుకున్నాడు. కాని దేవుడన్నాడు :

"అతని రూపమును అతని యెత్తును లక్ష్యపెట్టకుము, మనుష్యులు లక్ష్యపెట్టువాటిని యెహోవా లక్ష్యపెట్టడు; నేను అతని త్రోసివేసియున్నాను. మనుష్యులు పైరూపమును లక్ష్యపెట్టుదురు గాని యెహోవా హృదయమును లక్ష్యపెట్టును." (1 సమూయేలు 16:7)

ఎవ్వరూ గుర్తించని, ఒక గొర్రెల కాపరి, అందరికంటే చిన్నవాడు అయిన దావీదును అభిషేకించమని దేవుడు సమూయేలుతో చెప్పాడు.

ఒక అధ్యాయం తరువాత :

ఒక గొర్రెల కాపరైన దావీదు, దేవుడు తప్పకుండ గొలియాతుపై విజయాన్నిస్తాడని ఇజ్రాయెల్ సైన్యాన్ని ప్రోత్సాహించడం మాత్రమే కాదు, దేవుని నామాన్ని ఘనపరచడానికి తన ప్రాణాన్నే పణంగా పెట్టాడు.❤

ఎంతో ఎత్తు అందం ఉన్న ఏలియాబు మాత్రం దావీదు చుట్టూ తిరుగుతూ గాయపరిచే మాటలంటూ ఉన్నాడు (1 సమూయేలు 17:28).

దావీదు, ఏలీయాబు హృదయాలకు ❤ ఎంత వ్యత్యాసం ఉందో కదా!

ప్రియ ప్రభువా, బాహ్య రూపం, గొప్ప స్థాయి, ధనం, ప్రాముఖ్యతలను మించి, నీవు చూసినట్టే నేను కూడా హృదయాలను చూసేలాగ సహాయం చేయి! ❤

Sometimes We Miss Seeing the Heart