"నీ హృదయాన్ని నమ్ముకో!"
ఇది లోకంలో చాలా ప్రాచుర్యం పొందిన సామెత, కాని ఇది వాక్యానుశారమైనది కాదు.
హృదయం అన్నింటికంటే మోసకరమైనదని వాక్యం చెబుతుంది (యిర్మీయా 17:9).
మానవ భావోద్వేగాలు, మానవ తర్కం నమ్మదగినవి కావు. అందుకే దేవుని వాక్యం ద్వారా మనసుని మార్చుకుంటే, దేవుని హృదయాన్ని అర్ధం చేసుకోగలం. దేవుని వాక్యం ద్వారా మనసుని మార్చుకున్నప్పుడు, జ్ఞానంతో తీర్పు తీర్చగలం (రోమా 12:1,2).
సంబంధాల్లో కఠినమైన పరిస్థితులను ఎదుర్కొంటున్నావా? ఉద్యోగం, పిల్లలు, ఇల్లు, డబ్బులు ఆదాచేయడం గురించి నిర్ణయాలు తీసుకోవాలా?
నీ జీవితంలో నువ్వు ఏ పరిస్థితిలో ఉన్నా గాని, నీ హృదయాన్ని మాత్రం నమ్మకు. దేవుని హృదయాన్నే నమ్ముకో!
• నీ స్వబుద్ధిని ఆధారము చేసికొనక నీ పూర్ణహృదయముతో యెహోవాయందు నమ్మకముంచుము. నీ ప్రవర్తన అంతటియందు ఆయన అధికారమునకు ఒప్పుకొనుము అప్పుడు ఆయన నీ త్రోవలను సరాళము చేయును. (సామెతలు 3:5,6)
• యెహోవా ఈలాగు సెలవిచ్చుచున్నాడు జ్ఞాని తన జ్ఞానమునుబట్టియు శూరుడు తన శౌర్యమునుబట్టియు అతిశయింపకూడదు, ఐశ్వర్యవంతుడు తన ఐశ్వర్యమునుబట్టి అతిశయింపకూడదు. అతిశయించువాడు దేనినిబట్టి అతిశయింపవలెననగా, భూమిమీద కృపచూపుచు నీతి న్యాయములు జరిగించుచునున్న యెహోవాను నేనేయని గ్రహించి నన్ను పరిశీలనగా తెలిసికొనుటనుబట్టియే అతిశయింపవలెను; అట్టి వాటిలో నేనానందించువాడనని యెహోవా సెలవిచ్చుచున్నాడు. (యిర్మీయా 9:23,24)
• యెహోవాయందు భయభక్తులు గలిగి యుండుటయే జ్ఞానమునకు మూలము పరిశుద్ధ దేవునిగూర్చిన తెలివియే వివేచనకు ఆధారము. (సామెతలు 9:10) (సామెతలు 1:7, కీర్తనలు 111:10 కూడా ఇదే విషయాన్ని చెబుతున్నాయి)
• దేవుని యెదుట యోగ్యునిగాను, సిగ్గుపడనక్కరలేని పనివానిగాను, సత్యవాక్యమును సరిగా ఉపదేశించువానిగాను నిన్ను నీవే దేవునికి కనుపరచుకొనుటకు జాగ్రత్తపడుము. (2 తిమోతికి 2:15)
No comments:
Post a Comment
Note: Only a member of this blog may post a comment.