ఎందుకు మంచివారు శ్రమలు అనుభవిస్తారు

ఎందుకు భక్తిపరులు, దీనులు, విశ్వాసలైనవారు శ్రమలు అనుభవిస్తారు అనేది అసలైన సమస్య కాదు గాని అసలు ఎందుకు కొందరు శ్రమలు అనుభవించరు అనేదే అసలైన ప్రశ్న - సి. ఎస్. లెవైస్, బాధ యొక్క సమస్య.

1. అపనింద ఒక వ్యక్తి యొక్క జీవన ప్రగతిని నాశనం చేసింది.

2. పాస్టర్కి తీవ్రమైన అనారోగ్య సమస్య ఉంది.

3. నిజాయితీపరుని జీవితాన్ని ఒక నిజాయితీ లేని వ్యక్తి నాశనం చేశాడు.

4. విశ్వాసులు వారికున్న విశ్వాసం వలన హింసింపబడ్డారు, చంపబడ్డారు.

"నాకే ఎందుకు?" ఎపుడైనా కష్టం గుండా వెళ్తే మనకు సహజంగా వచ్చేది ఈ ప్రస్నే.

కాని "నేనెందుకు కాదు?" అనే ప్రశ్న నిజంగా తగిన ప్రశ్న.

ఈ భూమిపై మన జీవితాలు న్యాయంగా, సులభంగా ఉంటాయనే భావనను బైబిల్ పూర్తిగా ఖండిస్తుంది:

1. ఆపనింద యోసేపు జీవిత ప్రగతిని నాశనం చేసి, చెరసాలకు నడిపించింది (ఆదికాండము 39:1-10).

2. యవ్వన పాస్టర్ తిమోతికి కడుపులో తీవ్రమైన అనారోగ్య సమస్యలు (1 తిమోతి 5:23).

3. అవినీతిపరుడైన రాజు సౌలు, దావీదును చంపడానికి మరలా మరలా ప్రయత్నిస్తూనే ఉన్నాడు (1 సమూయేలు 24:1-12).

4. విశ్వాసులు ఎప్పుడూ హింసింపబడుతూనే ఉన్నారు (హెబ్రీ 11).

• ఈ భూమిపై మనకు న్యాయం దొరుకుతుందని, జీవితం సులభంగా ఉంటుందని దేవుడు ఎప్పుడూ వాగ్దానం చేయలేదు గాని ఆయన ఆదరణ ఇస్తానని మాత్రం వాగ్దానం చేశారు (2 కొరింధీ 1:3-5), అంతే కాదు మనం గనుక ఆయన ప్రణాళికలపై దృష్టి నిలిపితే, మనకు జరిగే కీడును మన మేలుకై ఉపయోగిస్తారని కూడా వాగ్దానం చేశారు (రోమా 8:28).

Why Good People Suffer

గట్టిగా నిలబడలేని క్రైస్తవులు - వినోదం గురించి బైబిల్ ప్రమాణాలు

నేటి రోజుల్లో ఆధునిక వినోదం ఎక్కువగా అస్లీలత విషయంలో మొగ్గుచూపడం లాగా కనిపిస్తుంది.

నగ్నత, అసభ్యత లేకపోయినా, చాలా పుస్తకాలు, టీవి షో లు, సినిమాలు - దేవుడు వివాహం గురించి కలిగి ఉన్న ప్రణాళికలను వెక్కిరించడం, హింసను ప్రోత్సాహించడం, దైవ విరుద్ధమైన విలువలను ప్రచారం చేయడం వంటివి చేస్తుంటాయి. వీటిని చదవడానికి లేక చూడటానికి ఎన్నో గంటలు మనం వెచ్చిస్తే, మన మనస్సాక్షిని మనం బలహీనపరుస్తాం, మన సమయాన్ని వృధా చేసుకుంటాం, నమ్మకాలలో రాజీపడిపోతాం, సాక్షాన్ని నాశనం చేసుకుంటాం.

ఎప్పుడైతే ఒక స్త్రీ అస్లీలమైన వాటిని చూసి వారే దుర్వినియోగించబడటం అనే దానిని బట్టి ఆనందిస్తే, అది నైతికంగా కుళ్ళిపోవడానికి ఒక సూచన. అది చాలా తీవ్రమైన విషయమని గమనించాలి. ఎప్పుడైతే క్రైస్తవులు విశ్రాంతి తీసుకోవడానికి తమ విలువలను పక్కన పెట్టి దైవికం కాని సినిమాలను, టీవి షో లను చూస్తారో, ఈ విషయం కూడా పై చెప్పిన దానితో సమానమే, ఇదీ అంతే తీవ్రమైనదని గమనించాలి.

మత్తయి 5:13-16 మనం లోకానికి ఉప్పు, లోకానికి వెలుగు అని గుర్తుచేస్తుంది. మనం గనుక మన ఉప్పు సారాన్ని కోల్పోతే లేక మన వెలుగును దాచేస్తే, దేవుణ్ణి మహిమ పరచడంలో ఓడిపోయినవాళ్ళమే, ఇతరులను రక్షించే ఆయన కృపకు వారిని నడిపించడంలో కూడా ఓడిపోయినవాళ్ళమే.

మన టీవిలు ఉండే గోడపై ఈ క్రింది వాక్యాన్ని ఒక హెచ్చరికగా తగిలించుకోవడంలో తప్పు లేదు:

మీరు పూర్వమందు చీకటియై యుంటిరి, ఇప్పుడైతే ప్రభువునందు వెలుగైయున్నారు.... గనుక ప్రభువుకేది ప్రీతికరమైనదో దానిని పరీక్షించుచు, వెలుగు సంబంధులవలె నడుచుకొనుడి. నిష్ఫలమైన అంధకార క్రియలలో పాలివారైయుండక వాటిని ఖండించుడి. (ఎఫెసీయులకు 5:8-11)

గనుక ఈరోజు కొంత సమయం తీసుకోని, దేవుని సువార్త నిమిత్తం మనం వినోదం పొందే వాటి ప్రమాణాలు ఎలాంటివో ఒక అంచనా వేసుకుందాం!

Soft-Core Christians—Biblical Entertainment Standards

ఎందుకు మనం మంటి ఘటాలం?

క్రైస్తవులు మంటి ఘటాలు - శారీరికంగా, మానసికంగా బలహీనులం, మంటి నుండి చేయబడినవాళ్ళం (ఆదికాండము 2:7) (1)

కాని మనం గొప్ప నిధిని (ఐశ్వర్యం) మోసేవాళ్ళం : ఆ నిధి దేవుని ఆత్మ.

అయినను ఆ బలాధిక్యము మా మూలమైనది కాక దేవునిదైయుండునట్లు మంటి ఘటములలో ఈ ఐశ్వర్యము మాకు కలదు. (2 కొరింథీయులకు 4:7)

అంధకారములో నుండి వెలుగు ప్రకాశించును గాక అని పలికిన దేవుడే తన మహిమను గూర్చిన జ్ఞానము యేసు క్రీస్తునందు వెల్లడిపరచుటకు మా హృదయములలో ప్రకాశించెను. (2 కొరింథీయులకు 4:5)

ఈ ఐశ్వర్యం మనలో ఉంది కనుక మనం శ్రమపడేవారం, అపాయంలో ఉన్నవారం, తరుమబడుచున్నవారం, పడద్రోయబడుచున్నవారం కాని మనం ఇరుకింపబడం, ఉపాయములేనివారముకాము, దిక్కులేనివారముకాము, నశించువారముకాము.

మనలో ఉండే దేవుని ఆత్మ:

1. పాపం నుండి తిరిగేలాగా తప్పు ఒప్పులను బోధిస్తుంది (ఎఫెసీయులకు 5:8-16; రోమా 8:12,13).

2. క్రీస్తును ప్రకటించడానికి శక్తినిస్తుంది (అపో. కార్యములు 1:8).

3. దేవుని ప్రేమ గురించి నిశ్చయతనిస్తూ, ఇతరులను ప్రేమించడానికి సహాయం చేస్తుంది (రోమా 5:5; ఫిలిప్పీ 2:1-4).

4. ఆత్మసంబంధమైన యుద్ధానికి సిద్దపరుస్తుంది (ఎఫెసీయులకు 6:10-18).

5. దైవిక గుణాలను మనలో ఉత్పత్తి చేస్తుంది (గలతీ 5:22,23).

దేవుని ఆత్మ బలహీనమైన, అసంపూర్ణమైన మనుషులను ఉపయోగించుకుంటూ గొప్ప ఐశ్వర్యంతో సమానమైన ఆయన ప్రణాళికలను నెరవేరుస్తుంది (2 తిమోతి 2:20-21; ఎఫెసీయులకు 2:10) (2)

--------------

(1) దేవుడైన యెహోవా నేలమంటితో నరుని నిర్మించి వాని నాసికా రంధ్రములలో జీవవాయువును ఊదగా నరుడు జీవాత్మ ఆయెను. (ఆదికాండము 2:7)

పాతకాలంలో ధనవంతులు వారి ధనాన్ని మామూలు మంటి ఘటాల్లో దాచేవారు. బహుశా పౌలు ఈ అలంకారాన్ని వాడినప్పుడు ఆ విషయాన్నే అలోచించి ఉండొచ్చు.

(2) గొప్పయింటిలో వెండి పాత్రలును బంగారు పాత్రలును మాత్రమే గాక కఱ్ఱవియు మంటివియు కూడ ఉండును. వాటిలో కొన్ని ఘనతకును కొన్ని ఘనహీనతకును వినియోగింపబడును. ఎవడైనను వీటిలో చేరక తన్నుతాను పవిత్రపరచుకొనినయెడల వాడు పరిశుద్ధపరచబడి, యజమానుడువాడుకొనుటకు అర్హమై ప్రతి సత్కార్యమునకు సిద్ధపరచబడి, ఘనత నిమిత్తమైన పాత్రయైయుండును. (2 తిమోతికి 2 : 20, 21)

మరియు వాటియందు మనము నడుచుకొనవలెనని దేవుడు ముందుగా సిద్ధపరచిన సత్‌క్రియలు చేయుటకై, మనము క్రీస్తుయేసునందు సృష్ఠింపబడినవారమై ఆయన చేసిన పనియైయున్నాము. (ఎఫెసీయులకు 2:10)

ఫిలిప్పీ 2:12-13 కూడా చూడండి!

Why We Are Clay Jars

అసూయ మరియు మత్సరం అనే భూతములు తెచ్చే నాశనం!

"అసూయ అనేది ఇతరులను ఇబ్బందికి గురిచేస్తుంది, కాని ఎవరికైతే అది ఉంటుందో అది వారిని హింసకు గురిచేస్తుంది" - విలియం పెన్

అసూయ మరియు మత్సరం స్నేహాన్ని నాశనం చేయడం ఎప్పుడైనా చూసావా? నేను చూసాను.

అవి ఆ వ్యక్తిని తీర్పు తీర్చే వారిగా, మర్యాద లేనివారిగా, విమర్శించే వారిగా, స్వార్ధపరులుగా మార్చేస్తుంది. స్నేహానికి ఒక అంతం తీసుకొస్తుంది. ఎవరైతే అసూయతో ఉంటారో, వారు మంచి స్నేహితులను పోగొట్టుకుంటారు, నెమ్మదిగా వారి హృదయంలో ఉన్న చేదును, స్వార్ధాన్ని గుర్తించే సామర్ధ్యన్ని కోల్పోతారు, అది వారి జీవితంలో ఉన్న అన్ని అంశాలను చెడుగా ప్రభావితం చేస్తుంది.

అందుకే అసూయా మరియు మత్సరం కొంచెంగా ఉన్నప్పుడే వాటిని గుర్తించడం చాలా ముఖ్యం లేదంటే అవి మన హృదయంలో బలమైన స్థానాన్ని తీసుకునే ప్రమాదం ఉంది. నువ్వు ఇతరుల ఆదాయాన్ని, వివాహాన్ని, సేవను, హోదాను, పలుకుబడిని, ఉద్యోగాన్ని, పై రూపాన్ని మొదలైనవాటిని చూసి ఆశపడుతున్నావా? మన కంటే ఇతరులు ఎక్కువ గొప్పవాళ్ళైపోతున్నారు లేక ధనవంతులైపోతున్నారు లేక ప్రభావితులైపోతున్నారు అనే భయం మనలో ఉందా?

అలాగైతే, మనం ఇవి చేయాల్సిన అవసరం ఉంది:

1. దేవుని క్షమించమని అడగాలి (1 యోహాను 1:8-10).

2. తృప్తి కలిగి ఉండటం కోసం ప్రార్ధించాలి (ఫిలిప్పీ 4:12-13).

3. ఎవరినైనా మనం బాధపెడితే క్షమించమని అడగాలి (యాకోబు 5:16).

ఎక్కువ అసూయతో ఉన్నవారు ఇవి చేయలేరు. వారు అసూయ మరియు మత్సరం అనే భూతములు వారి సంబంధాలను, దృక్పదాన్ని నాశనం చేయడానికి అనుమతిస్తారు. ఆ నాశనం మన వరకు రాకుండా జాగ్రత్త పడదాం!

ఒకవేళ ఈ అసూయ మరియు మత్సరాలను జయించడానికి నీకు చాలా కష్టంగా ఉంటే ఈ క్రింది వచనాలను చదివి, ధ్యానించి, కంఠస్తం చెయ్యి:

• సాత్వికమైన మనస్సు శరీరమునకు జీవము మత్సరము ఎముకలకు కుళ్లు. (సామెతలు 14:30)


• మీలో అసూయయు కలహమును ఉండగా మీరు శరీరసంబంధులై మనుష్యరీతిగా నడుచుకొనువారు కారా? (1 కొరింథీయులకు 3:3)


• ప్రేమ దీర్ఘకాలము సహించును, దయ చూపించును. ప్రేమ మత్సరపడదు; ప్రేమ డంబముగా ప్రవర్తింపదు; అది ఉప్పొంగదు; (1 కొరింథీయులకు 13:4)


• అయితే మీ హృదయములలో సహింపనలవికాని మత్సరమును వివాదమును ఉంచుకొనినవారైతే అతిశయపడవద్దు, సత్యమునకు విరోధముగా అబద్ధమాడవద్దు. ఈ జ్ఞానము పైనుండి దిగివచ్చునదికాక భూసంబంధమైనదియు ప్రకృతి సంబంధమైనదియు దయ్యముల జ్ఞానము వంటిదియునై యున్నది. ఏలయనగా, మత్సరమును వివాదమును ఎక్కడ ఉండునో అక్కడ అల్లరియు ప్రతి నీచకార్యమును ఉండును. (యాకోబు 3:14-16)

------------------

కొందరు అసూయ అంటే నీకున్నదాన్ని పోగొట్టుకుంటావేమో అనే భయం అని, మత్సరం అంటే నీకు లేనిది కావాలని ఆశించడమని అంటారు. 

కాని ఈ రెంటిని పర్యాయపదాలుగా చరిత్రలో, బైబిల్లో వాడటం చూస్తాం. నాకున్న కొద్దిపాటి జ్ఞానంలో నాకు అర్ధమైందేంటంటే అసూయ అనేది మత్సరం యొక్క కోపరూపమని.

ఎవరైతే అసూయ, మత్సరం రెంటికి తేడా ఉంది అని అంటారో, ఈ వాక్యాధ్యానం ఈ రెంటి గురించి స్పష్టంగా వివరించడం గమనించగలరు.

The Destroying Monsters of Jealousy and Envy

శ్రమల్లో ఉన్నవారు...

క్రీస్తు ఇక్కడ ఇప్పుడు ఆరోగ్యాన్ని, ధనాన్ని, ఇహలోక ఆనందాలను వాగ్దానంగా ఇచ్చారు అని ఎవరైనా ప్రకటిస్తే నాకు చాలా ఆశ్చర్యంగా ఉంటుంది.

ఎందుకంటే అది "వాక్యానుసారం" కాదు.

మనం 'రూపాంతరం' పొందే ప్రక్రియలో ఉన్నామని స్పష్టంగా బైబిల్ చెబుతుంది.

"సంపూర్ణత" భవిష్యత్తు గురించి ఇచ్చిన వాగ్దానం (హెబ్రీ 2:5-9; 1 కొరింధీ 15:20-28).

దేవుడు ఇహలోక ఆరోగ్యం, ఆనందం గనుక వాగ్దానం చేస్తే, తిమోతి కడుపులో సమస్యలతో శ్రమపడేవారు కాదు (1 తిమోతి 5:23), పౌలు అసలు ఏ ఆకలిలో, అవసరంలో ఉండే వారు కాదు (ఫిలిప్పీ 4:12-13).

దేవుడు ఇహలోకంలో ఎటువంటి శ్రమలు లేని పరిస్థితి గనుక వాగ్దానం చేస్తే, దేవుని ప్రేమించే క్రైస్తవులలో ఇదొక కట్టుబాటుగా ఉండేది. కాని అలా లేదు.

దేవుడు స్వస్థపరచగలరు, పరుస్తారు కూడా, విడుదలలు ఇవ్వగలరు. అలాంటి వారి జీవిత కథలు స్ఫూర్తినిస్తాయి.

కాని అనారోగ్యంలో, హింసల్లో, కష్టాల్లో ఉంటూ కూడా ఎవరైతే దేవునిపై గొప్ప విశ్వాసాన్ని కలిగి ఉంటారో, అలాంటి వారి జీవిత కథలు కూడా మనకు చాలా అవసరం.

ఇహలోక శ్రమల నుండి దేవుడు మనలను విడిపిస్తే, ఆయన ఆదరణలో ఉన్న లోతు మనం ఎప్పటికీ అర్ధం చేసుకోలేము, అది అర్ధం చేసుకోలేనప్పుడు, ఇతరులను తగినంతగా ఆదరించలేము కూడా (2 కొరింధీ 1:3-7).

Those Who Suffer

ప్రతీ క్రైస్తవుడు ప్రతీ రోజూ చేయవలసిన 8 ప్రకటనలు

నువ్వు క్రైస్తవుడవైతే, ఈ అద్భుతమైన సత్యాలను నీకు నువ్వు చెప్పుకుంటూ ప్రతీ రోజును మొదలుపెట్టు.

1. నేను దేవుని బిడ్డను.

• తన్ను ఎందరంగీకరించిరో వారికందరికి, అనగా తన నామమునందు విశ్వాసముంచినవారికి, దేవుని పిల్లలగుటకు ఆయన అధికారము అనుగ్రహించెను. (యోహాను 1:12)


• మనము దేవుని పిల్లలమని పిలువబడునట్లు తండ్రి మనకెట్టి ప్రేమననుగ్రహించెనొ చూడుడి; మనము దేవుని పిల్లలమే.ఈ హేతువు చేత లోకము మనలను ఎరుగదు, ఏలయనగా అది ఆయనను ఎరుగలేదు. (1 యోహాను 3:1)

2. నేను మరణాన్ని పొందడానికి అర్హుడనైనా, యేసు నా పాపాలను క్షమించి, నిత్యజీవాన్ని వాగ్దానంగా ఇచ్చాడు.

• ఏలయనగా పాపమువలన వచ్చు జీతము మరణము, అయితే దేవుని కృపావరము మన ప్రభువైన క్రీస్తుయేసునందు నిత్యజీవము. (రోమీయులకు 6:23)

3. ఈరోజు ఏమైనా, నేను మాత్రం ఒంటరిని కాను.

• మరణమైనను జీవమైనను దేవదూతలైనను ప్రధానులైనను ఉన్నవియైనను రాబోవునవియైనను అధికారులైనను ఎత్తయినను లోతైనను సృష్టింపబడిన మరి ఏదైనను, మన ప్రభువైన క్రీస్తు యేసునందలి దేవుని ప్రేమనుండి మనలను ఎడబాపనేరవని రూఢిగా నమ్ముచున్నాను. (రోమీయులకు 8:38, 39)

4. దేవుడు నాతో ఎల్లప్పుడూ ఉండే దేవుడు మాత్రమే కాదు, ఆయన నా సహాయకుడు కూడా.

• ..నిన్ను ఏమాత్రమును విడువను, నిన్ను ఎన్నడును ఎడబాయను అని ఆయనయే చెప్పెను గదా. కాబట్టి ప్రభువు నాకు సహాయుడు, నేను భయపడను, నరమాత్రుడు నాకేమి చేయగలడు? అని మంచి ధైర్యముతో చెప్పగలవారమై యున్నాము. (హెబ్రీయులకు 13:5,6)

5. దేవుడు నాకు ఆయన శక్తిని ఇస్తారు గనుక, నేను ఆయన ఆజ్ఞలకు లోబడగలను.

• నన్ను బలపరచువానియందే నేను సమస్తమును చేయగలను. (ఫిలిప్పీయులకు 4:13)

6. ఈరోజు నేను అపవాదిని ఎదిరిస్తాను, వాడు నా యొద్ద నుండి పారిపోతాడు.

• కాబట్టి దేవునికి లోబడియుండుడి, అపవాదిని ఎదిరించుడి, అప్పుడు వాడు మీ యొద్ద నుండి పారిపోవును. (యాకోబు 4:7)

7. ఈరోజు దేవునికి నా పట్ల ఒక ప్రణాళిక ఉంది, అది నెరవేర్చాలని నేను ఆశపడుతున్నాను.

• మరియు వాటియందు మనము నడుచుకొనవలెనని దేవుడు ముందుగా సిద్ధపరచిన సత్‌క్రియలు చేయుటకై, మనము క్రీస్తు యేసు నందు సృష్ఠింపబడినవారమై ఆయన చేసిన పనియైయున్నాము. (ఎఫెసీయులకు 2:10)

8. నేను దేవునితో నడుస్తూ ఉంటే, నా జీవితంలో జరిగిన చెడు విషయాలను కూడా ఆయన ఈరోజు, ప్రతీ రోజూ నా మేలుకై వాడతారు!

• దేవుని ప్రేమించువారికి, అనగా ఆయన సంకల్పముచొప్పున పిలువబడినవారికి, మేలుకలుగుటకై సమస్తమును సమకూడి జరుగుచున్నవని యెరుగుదుము. (రోమీయులకు 8:28).

8 Statements Christians Should Make Each Day

మన జీవితాల్లో మనం పెరగనిచ్చే 'అందమైన కలుపు మొక్కలు'

నాకు తోట పని చేయడమంటే చాలా ఇష్టం.

కలుపు మొక్కలు చాలా వరకు నాకు చిరాకు పెడతాయి గనుక అవి నా కంటికి కనబడగానే వాటిని పీకేస్తాను.

కాని కొన్నిసార్లు కొన్ని కలుపు మొక్కలు చాలా 'అందంగా' ఉంటాయి కాబట్టి వాటిని పెరగనిస్తాను. అవి పసుపు రంగులో చూడటానికి అందంగా ఉన్నాయని నా వంటగది వాస్ లో పెట్టి అమర్చుకుంటాను.

కాని ఒక రోజు అదే కలుపు మొక్క గురించి అది ఎంత ప్రమాదకరమో అనే దానిపై ఒక వ్యసాన్ని చదివాను. అందులో ఒక్క విత్తనం ఎలా కొన్ని వందల కలుపు మొక్కలను ఉత్పత్తి చేసి, కొద్ది కాలంలోనే తోటనంతటిని ఆక్రమించి, మంచి మొక్కలను కుడా ఎలా పాడుచేయగలవో అందులో వివరించారు.

నేనది చదివిన వెంటనే, నా తోటలోకి పరుగెత్తుకెళ్ళి, ఏవైతే నాకు నచ్చి పెరగనిచ్చానో ఆ 'అందమైన కలుపు మొక్కలను' వేర్లతో సహా పీకేసాను. కొన్నయితే చాలా పెద్దగా పెరిగిపోయాయి గనుక ఎంత ప్రయత్నించినా వేర్లతో సహా పీకలేకపోయాను. ఆ క్షణంలో నాకొక శక్తివంతమైన ఆత్మీయ సత్యం గుర్తుకొచ్చింది.

ఎంత తరుచుగా మనం 'ఆత్మీయ కలుపు మొక్కలను' మన జీవితాల్లో పెరగనిస్తామో కదా.. అవి చెడు అలవాట్లు, వైఖరులుగా మొదలై, దేవుడు మనలో ఆశించే మంచి ఫలాలు ఫలించకుండా, ఈ కలుపు మొక్కలే పూర్తిగా ఆక్రమించేంతగా?

మన దృష్టిని మరల్చే ఎన్నో వాటిని, ఎన్నో పాపాలను మనం పోషిస్తుంటాం... అవి ఎంతో నిశబ్దంగా మన సమయాన్ని, బలాన్ని, గురిని దొంగిలించేసి, అసలు నిజంగా ఏవి విలువైనవో వాటిని వదిలిపెట్టేలా చేస్తాయి.

ఈ క్షణంలో, మన జీవితాల్లో ఉన్న ఏవైతే పర్వాలేదులే అనుకోనే లేదంటే ఇష్టంగా అనిపించే 'అందమైన కలుపు మొక్కలను' గుర్తించడానికి మరియు తీసివేయడానికి కొంత సమయం తీసుకుందామా. లేదంటే అవి ఇంకా ఎక్కువగా మన జీవితాన్ని ఆక్రమించి, మార్కు 4:19 లో వివరించినట్టు అవి ముళ్లులా లోతుగా వేరుపారే ప్రమాదం ఉంది.

కాని దేవుని సహాయంతో, వాటిని మన తోటలో నుండి తీసిపారవేయొచ్చు. ఎప్పుడైతే అది చేస్తామో, మన ఆత్మీయ తోట ఫలభరితంగా మారుతుంది.

"...మనముకూడ ప్రతిభారమును, సుళువుగా చిక్కులబెట్టు పాపమును విడిచిపెట్టి,..." (హెబ్రీయులకు 12:2)

Pretty Weeds We Let Grow in Our Lives