దేవుడు మనం ఎదిగే క్రమాన్ని చూసి ఆనందిస్తాడు!

నా మనవరాలు మొదటి సారి జారిడబల్ల ఎక్కి ఆడుకోవడం నేను గమనించాను. ఆమె దాన్ని ఎక్కినందుకు పట్టలేనంత ఆనందంతో హడావిడి చేసింది.

ఆ చిన్న క్షణంలో పాలుపొందటం సరదాగా అనిపించింది.

సరిగ్గా అదే సమయంలో ఒకటి నా మనసుకు తట్టింది. దేవుడు కూడా మన అటువంటి చిన్న క్షణాలను బట్టి ఆనందిస్తాడు కదా అని.

దేవుడు మనకు వెంటనే పూర్తి పరిపక్వతనివ్వగలరు. లేదంటే ఆయన్ని రక్షకునిగా అంగీకరించిన వెంటనే మనలను పరలోకానికి తీసుకెళ్లగలరు.

కాని దేవుడు మనకు ఎదిగే క్రమాన్ని పెట్టాడు. దానినే శుద్దీకరించబడటం అని అంటాం. కొన్నిసార్లు అది ఎంతో కఠినంగా అనిపించినా, అందులో ఎన్నో అద్భుతమైన క్షణాలు ఉంటాయి. అవి ఎంతో ఆనందాన్ని ఇస్తాయి. అవి మనం గుర్తించినప్పుడు నిజమైన సంతోషం కలుగుతుంది.

మన పిల్లలు నడక నేర్చుకున్నప్పుడు, మాట్లాడటం మొదలు పెట్టినప్పుడు, షూ లేసెస్ కట్టుకోవడం నేర్చుకున్నప్పుడు లేదంటే మొదటిసారి జారిడబల్ల ఎక్కినప్పుడు మనం ఎలాగైతే ఆనందపడతామో, దేవుడు కూడా మన ఆత్మీయ ఎదుగుదలను చూసి ఎంతో ఆనందిస్తారు (కీర్తన 147:11; జెఫన్యా 3:17).

మనం నిజంగా "దేవుడు చేసిన పనియైయున్నాము" (ఎఫెస్సీ 2:10).

మన వల్ల ఆనందపడటానికి దేవునికి ఒక కారణం ఇద్దామా!

నువ్వు అతిగా పని పెట్టుకునే వ్యక్తివా లేక తక్కువ నిబద్ధత గల వ్యక్తివా?

80ల్లో, నా భర్త జర్మనీలో ఒక ట్యాంక్ కంపెనీకి ఆదేశాలు జారీ చేసేవారు. చాలా తరుచుగా ఇంటికి దూరంగా ఉండి, వారికి శారీరికంగా సవాలుగా ఉండే ట్రైనింగ్ చేసేవారు. వారాలు వారాలు అలా చేసి కొన్ని గంటలే నిద్రపోయేవారు.

నాకు బాగా గుర్తు, ఒకసారి 14 రోజులు అలా ట్రైనింగ్ లో ఉండి వచ్చాక, పొద్దున్నే సంఘ ఆరాధనకు మేం వెళ్ళేము. అది ముగిసాక, అక్కడ ఉన్న పాస్టర్ "మైఖేల్, ఎందుకు ఈరోజు నా వర్తమానం నీకు అంత నిద్రను కలిగించిందో తెలుసుకోవాలని ఉంది" అని అన్నారు. ఆయనకు తెలీదు నా భర్త శారీరికంగా ఎంత విపరీతంగా అలిసిపోయినా సంఘానికి వెళ్ళడానికి ప్రధాన్యతనిచ్చారని.

బహుశా అపో. కార్యములు 20:7-12 లో మనం చూసే ఐతుకు కూడా నిద్రలో పడిపోయినప్పుడు ఇటువంటి విమర్శ ఎదుర్కొని ఉండి ఉండొచ్చు. కాని నా భర్త మరియు ఐతుకు ఒక మంచి ఉదాహరణలు అని నమ్మడానికే నేను ఇష్టపడతాను. ఎందుకంటే వారి పరిస్థితి ఎంత కష్టంగా, అసౌకర్యంగా ఉన్నా కూడా, వారు అప్పుడు కూడా దేవున్ని వెదకడానికే ఇష్టపడ్డారు.

అలా అని మీరు శారీరికంగా అలిసిపోయినా, సంఘానికి, బైబిల్ మీటింగ్స్కు కచ్చితంగా వెళ్ళాలి అని నేను చెప్పట్లేదు. కాని నన్ను నేనే ప్రశ్నించుకోవడానికి ఇష్టపడుతున్నాను.. దేవునితో సమయాన్ని గడపడానికి, ఆయన నీతికి రాజ్యాన్ని మొదట వెదకడానికి (మత్తయి 6:33) నాకు కూడా అటువంటి నిబద్దత, పట్టుదల ఉన్నాయా అని.

నన్ను నేను విశ్లేషణ చేసుకుంటున్నాను, దయచేసి నాతో ఈ విశ్లేషణలో పాల్గొండి:
🔄దేవునితో నీ వ్యక్తిగత సమయాన్ని దొంగిలించే వాటిని నువ్వు అనుమతిస్తున్నావా?
🔄నువ్వు అతిగా పనులు పెట్టేసుకోని, ఎక్కువ బాధ్యతలు మీద వేసుకుంటున్నావా?
🔄అనుదినం నీ కార్యకలాపాలు, దేవునితో నీ సంబంధాన్ని ఎలా ప్రభావితం చేస్తున్నాయో విశ్లేషణ చేసుకోవడానికి సిద్ధమేనా?

నీ కార్యకలాపాలను అప్పుడప్పుడు విశ్లేషించుకోవడం చాలా ఆరోగ్యకరం.

నీతి కొరకు ఆకలిదప్పులు గలవారు ధన్యులు; వారు తృప్తిపరచబడుదురు. (మత్తయి 5:6)

Are You Overextended or Undercommitted?

పాత ప్రేమలేఖలు - 1 కొరింధీయులకు 13

నా భర్త బూట్ క్యాంప్ లో ఉన్నప్పుడు నా కోసం వ్రాసిన అమూల్యమైన ఉత్తరాల మూట నా దగ్గర ఉంది.

తన వధువును ఎంతో మిస్ అవుతూ, ఆమెను ముఖాముఖిగా చూడాలని ఆతృతపడేవారు ఆయన.

విచారం ఏమిటంటే, దాని తరువాత ఆయన కాని నేను కాని చేత్తో ఉత్తరాలు వ్రాసి చాలా సంవత్సరాలు అయింది. గ్రీటింగ్ కార్డ్స్ లో వ్రాసే కొన్ని మాటలు పెద్దగా లెక్కలోకి రావు.

ఈ ఉత్తరాలు వ్రాయడం ఒక అంతరించిపోయిన కళగా చాలా త్వరగా మారిపోయింది, అలాంటప్పుడు ఈ పాత ప్రేమలేఖలు మరింత అమూల్యమైనవి కదా.

కాని నా భర్త వ్రాసిన వాటికంటే ఇంకా అమూల్యమైన ప్రేమలేఖలు నా దగ్గర ఉన్నాయి. నా సృష్టి కర్త, ప్రభువు, రక్షకుడు నుండి నా దగ్గర ప్రేమలేఖలు ఉన్నాయి. అవి అన్నీ కలిపి మూట కట్టి ఉన్నాయి. అవి ప్రేమ, ద్రోహం, త్యాగం, క్షమాపణ, సమాకూర్పు గురించిన కథలు చెబుతాయి.

తన వధువును* మిస్ అవుతూ, ఆమెను ముఖాముఖిగా చూడాలని ఆత్రుతపడే ప్రియుని లోతైన ప్రేమను అవి వెల్లడి చేస్తాయి (ప్రకటన 19:7-9; 1 కొరింధీయులకు 13:12). అంతే కాదు 'ఎప్పటికీ తరిగిపోని ఆనందమే' ఈ ప్రేమకధ ముగింపు.

నువ్వు కూడా ఈ అమూల్యమైన ప్రేమలేఖను పొందిన వ్యక్తివి గనుక, వాటిని చదవడానికి ఈరోజు మనం కొంత సమయం తీసుకొని, ఆయన ద్వారా ఎంతగా ప్రేమను పొందామో గుర్తుచేసుకుందాం.

* సంఘమే "క్రీస్తు యొక్క వధువు"

Old Love Letters - 1 Corinthians 13

న్యూ ఇయర్ తీర్మానాలలో నిలబడటానికి నాలుగు చిట్కాలు

యూనివర్సిటీ స్టడీ ప్రకారం 92% ప్రజలు న్యూ ఇయర్ తీర్మానాలలో నిలబడలేరు.

ఈ స్టడీ లో తేలిన కారణాలు:

• మరీ ఎక్కువ లక్ష్యాలు పెట్టుకోవడం
• అవి నిర్థిష్టమైన లక్ష్యాలుగా లేకపోవడం
• జవాబుదారీతనం లేకపోవడం
• విజయం సాధిస్తాం అనే నమ్మకం లేకపోవడం

అయితే ప్రతీ క్రైస్తవునికి ఉండాల్సిన ఒక ముఖ్యమైన న్యూ ఇయర్ తీర్మానం ఏమిటంటే: దేవుణ్ణి ఇంకా ఎక్కువగా తెలుసుకోవడం. ఈ సంవత్సరంలో ఈ తీర్మానంలో ఓడిపోకుండా, దీనిని సాధించాలి అంటే ఈ క్రిందివి చేద్దాం.

• వాస్తవికంగా ఉండు: నీకు రోజూ దేవునితో గడపడానికి ఒక సమయం పెట్టుకొనే అలవాటు లేకపోతే, ఒకేసారి ఒక గంట గడుపుతాను అనే తీర్మానం చేసుకోకు. నీవు ఎంత చేయగలవో అది కొ.చెమైనా అంతటితోనే మొదలుపెట్టు.

• నిర్థిష్టమైనవి పెట్టుకో: ప్రేయర్ లిస్ట్ తయారు చేసుకో, బైబిల్ చదివే ప్లాన్ వాడటం మొదలు పెట్టు లేక ఈ దేవుని ప్రేమలేఖలు క్రమంగా చదివి, అందులో ఉండే బైబిల్ వచనాలు తెరిచి చదవడం అలవాటు చేసుకో.

• జవాబుదారీతనం కలిగి ఉండు: రోజూ తప్పకుండా దేవునితో సమయం గడుపుతున్నావో లేదో నిన్ను అడగమని నీ స్నేహితునికి చెప్పు.

• దేవుడు తప్పక సహాయం చేస్తారని నమ్ము: నీ సొంత శక్తి ద్వారా అయితే ఇది చేయలేవు, దేవుని సహాయం లేకపోతే.

గుర్తుపెట్టుకో : దేవుడు - మనము అడుగువాటన్నిటికంటెను, ఊహించువాటన్నిటికంటెను అత్యధికముగా చేయ శక్తిగల దేవుడు.. (ఎఫెసీయులకు 3:20)

8% శాతం ఎవరైతే సాధించారో అందులో మనం కూడా ఉందాం!

4 Tips for Keeping New Year's Resolutions

క్రిస్మస్ సమయంలో (అన్ని సమయాల్లో కూడా) మనం నమ్మవలసిన ఆరు విషయాలు

యేసు ప్రభువు పుట్టిన రోజును మనం పండుగ చేసుకుంటున్న సమయంలో ఈ సత్యాలను ఆలోచిద్దాం.

1. యేసును గురించిన అద్భుతాన్ని నమ్ముదాం.

• ఏలయనగా మనకు శిశువు పుట్టెను మనకు కుమారుడు అనుగ్రహింపబడెను ఆయన భుజము మీద రాజ్యభారముండును. ఆశ్చర్యకరుడు ఆలోచనకర్త బలవంతుడైన దేవుడు నిత్యుడగు తండ్రి సమాధానకర్తయగు అధిపతి అని అతనికి పేరు పెట్టబడును. (యెషయా 9:6)

2. యేసు వచ్చిన ఉద్దేశాన్ని నమ్ముదాం.

• దేవుడు లోకమును ఎంతో ప్రేమించెను. కాగా ఆయన తన అద్వితీయకుమారునిగా పుట్టిన వానియందు విశ్వాసముంచు ప్రతివాడును నశింపక నిత్యజీవము పొందునట్లు ఆయనను అనుగ్రహించెను. (యోహాను 3:16)

3. యేసు నీ జీవితంలో ఒక ఉద్దేశాన్ని కలిగిన్నారని నమ్ము.

• మరియు వాటియందు మనము నడుచుకొనవలెనని దేవుడు ముందుగా సిద్ధపరచిన సత్‌క్రియలు చేయుటకై, మనము క్రీస్తుయేసునందు సృష్ఠింపబడినవారమై ఆయన చేసిన పనియైయున్నాము. (ఎఫెసీయులకు 2:10)

4. యేసులో ఆదరణ ఉందని నమ్ముదాం.

• గుండె చెదరినవారిని ఆయన బాగుచేయువాడు వారి గాయములు కట్టువాడు. (కీర్తనలు 147:3)

5. యేసులో ఆనందం ఉందని నమ్ముదాం.

• యెహోవాయందు ఆనందించుటవలన మీరు బలమొందుదురు. (నెహెమ్యా 8:10)

6. యేసును అత్యాశక్తితో వెదకడాన్ని నమ్ముదాం!

• దేవునియొద్దకు వచ్చువాడు ఆయన యున్నాడనియు, తన్ను వెదకువారికి ఫలము దయచేయువాడనియు నమ్మవలెను గదా. (హెబ్రీయులకు 11:6)

6 Things to Believe in at Christmas (and Always!)

మనకు

యెషయా 9:6 పాత నిబంధనలో ఉన్న ఈ ప్రవచనం, అన్ని ప్రవచనాల కంటే నాకు ఎక్కువ ఇష్టం.

ఏలయనగా మనకు శిశువు పుట్టెను మనకు కుమారుడు అనుగ్రహింపబడెను ఆయన భుజముమీద రాజ్యభారముండును. ఆశ్చర్యకరుడు ఆలోచనకర్త బలవంతుడైన దేవుడు నిత్యుడగు తండ్రి సమాధానకర్తయగు అధిపతి అని అతనికి పేరు పెట్టబడును. (యెషయా 9:6)

క్రీస్తు ఒక మానవుడు మాత్రమే కాదు, ఇంకా ఎక్కువ అనేది ఈ వివరణలో మనకు స్పష్టంగా అర్ధమవుతుంది. ఇలాంటి వివరణలే మనం కీర్తన 2 మరియు 110 లో కూడా చూస్తాం. మార్కు 12:36 లో యేసు ప్రభువు తాను కేవలం మానవుడు మాత్రమే కాదు అనే విషయాన్ని కీర్తన 110 నుండి తీసుకోని  మాట్లాడటం మనం చూస్తాం.

🌟మనకు శిశువు పుట్టెను
యెషయా 7:14 ఈ ప్రవచనానికి అదనపు వివరణ ఇవ్వడం మనం చూస్తాం: "కాబట్టి ప్రభువు తానే యొక సూచన మీకు చూపును. ఆలకించుడి, కన్యక గర్భవతియై కుమారుని కని అతనికి ఇమ్మానుయేలను పేరు పెట్టును"

సువార్తల్లో కూడా దీనికి సంబంధించి ఇంకా ఎన్నో అద్భుతమైన వివరణలు చూస్తాం. వీటిని ప్రతీ క్రిస్మస్కి చదవాలి : లూకా 2:1-20.

🌟ఆయన భుజముమీద రాజ్యభారముండును.
దీని అర్ధం ఆయన ఈ లోక నాయకుడు అని కాదు. అసలు ఆయన చరిత్రనే నియంత్రించగలిగే అధికారం గలవాడు అని.

🌟ఆలోచనకర్త
దేవుని జ్ఞానం సంపూర్ణమైనది.

🌟బలవంతుడైన దేవుడు
ఆయన శక్తికి సాటి అయినది ఏదీ లేదు.

🌟నిత్యుడగు తండ్రి
క్రీస్తును గూర్చి ఈ ప్రవచనాన్ని చూస్తే, ఇందులో త్రియేక దేవుని వర్ణన ఉంది. ఎందుకంటే త్రియేక దేవుడు ఎల్లప్పుడూ ఆయన ప్రణాళికలకు అనుగుణంగా సంపూర్ణమైన ఏకత్వంలో ఉంటారు (ఉదా: మత్తయి 3:16,17).

🌟సమాధానకర్తయగు అధిపతి
శాంతి మీ కనుగ్రహించి వెళ్లుచున్నాను; నా శాంతినే మీ కనుగ్రహించుచున్నాను; లోకమిచ్చునట్టుగా నేను మీ కనుగ్రహించుటలేదు; మీ హృదయమును కలవరపడనియ్యకుడి, వెరవనియ్యకుడి. (యోహాను 14:27)

🌟మన రక్షకునిలో ఆనందిద్దాం!🌟

 Unto Us

ఎందుకు మంచివారు శ్రమలు అనుభవిస్తారు

ఎందుకు భక్తిపరులు, దీనులు, విశ్వాసలైనవారు శ్రమలు అనుభవిస్తారు అనేది అసలైన సమస్య కాదు గాని అసలు ఎందుకు కొందరు శ్రమలు అనుభవించరు అనేదే అసలైన ప్రశ్న - సి. ఎస్. లెవైస్, బాధ యొక్క సమస్య.

1. అపనింద ఒక వ్యక్తి యొక్క జీవన ప్రగతిని నాశనం చేసింది.

2. పాస్టర్కి తీవ్రమైన అనారోగ్య సమస్య ఉంది.

3. నిజాయితీపరుని జీవితాన్ని ఒక నిజాయితీ లేని వ్యక్తి నాశనం చేశాడు.

4. విశ్వాసులు వారికున్న విశ్వాసం వలన హింసింపబడ్డారు, చంపబడ్డారు.

"నాకే ఎందుకు?" ఎపుడైనా కష్టం గుండా వెళ్తే మనకు సహజంగా వచ్చేది ఈ ప్రస్నే.

కాని "నేనెందుకు కాదు?" అనే ప్రశ్న నిజంగా తగిన ప్రశ్న.

ఈ భూమిపై మన జీవితాలు న్యాయంగా, సులభంగా ఉంటాయనే భావనను బైబిల్ పూర్తిగా ఖండిస్తుంది:

1. ఆపనింద యోసేపు జీవిత ప్రగతిని నాశనం చేసి, చెరసాలకు నడిపించింది (ఆదికాండము 39:1-10).

2. యవ్వన పాస్టర్ తిమోతికి కడుపులో తీవ్రమైన అనారోగ్య సమస్యలు (1 తిమోతి 5:23).

3. అవినీతిపరుడైన రాజు సౌలు, దావీదును చంపడానికి మరలా మరలా ప్రయత్నిస్తూనే ఉన్నాడు (1 సమూయేలు 24:1-12).

4. విశ్వాసులు ఎప్పుడూ హింసింపబడుతూనే ఉన్నారు (హెబ్రీ 11).

• ఈ భూమిపై మనకు న్యాయం దొరుకుతుందని, జీవితం సులభంగా ఉంటుందని దేవుడు ఎప్పుడూ వాగ్దానం చేయలేదు గాని ఆయన ఆదరణ ఇస్తానని మాత్రం వాగ్దానం చేశారు (2 కొరింధీ 1:3-5), అంతే కాదు మనం గనుక ఆయన ప్రణాళికలపై దృష్టి నిలిపితే, మనకు జరిగే కీడును మన మేలుకై ఉపయోగిస్తారని కూడా వాగ్దానం చేశారు (రోమా 8:28).

Why Good People Suffer