పాత ప్రేమలేఖలు - 1 కొరింధీయులకు 13

నా భర్త బూట్ క్యాంప్ లో ఉన్నప్పుడు నా కోసం వ్రాసిన అమూల్యమైన ఉత్తరాల మూట నా దగ్గర ఉంది.

తన వధువును ఎంతో మిస్ అవుతూ, ఆమెను ముఖాముఖిగా చూడాలని ఆతృతపడేవారు ఆయన.

విచారం ఏమిటంటే, దాని తరువాత ఆయన కాని నేను కాని చేత్తో ఉత్తరాలు వ్రాసి చాలా సంవత్సరాలు అయింది. గ్రీటింగ్ కార్డ్స్ లో వ్రాసే కొన్ని మాటలు పెద్దగా లెక్కలోకి రావు.

ఈ ఉత్తరాలు వ్రాయడం ఒక అంతరించిపోయిన కళగా చాలా త్వరగా మారిపోయింది, అలాంటప్పుడు ఈ పాత ప్రేమలేఖలు మరింత అమూల్యమైనవి కదా.

కాని నా భర్త వ్రాసిన వాటికంటే ఇంకా అమూల్యమైన ప్రేమలేఖలు నా దగ్గర ఉన్నాయి. నా సృష్టి కర్త, ప్రభువు, రక్షకుడు నుండి నా దగ్గర ప్రేమలేఖలు ఉన్నాయి. అవి అన్నీ కలిపి మూట కట్టి ఉన్నాయి. అవి ప్రేమ, ద్రోహం, త్యాగం, క్షమాపణ, సమాకూర్పు గురించిన కథలు చెబుతాయి.

తన వధువును* మిస్ అవుతూ, ఆమెను ముఖాముఖిగా చూడాలని ఆత్రుతపడే ప్రియుని లోతైన ప్రేమను అవి వెల్లడి చేస్తాయి (ప్రకటన 19:7-9; 1 కొరింధీయులకు 13:12). అంతే కాదు 'ఎప్పటికీ తరిగిపోని ఆనందమే' ఈ ప్రేమకధ ముగింపు.

నువ్వు కూడా ఈ అమూల్యమైన ప్రేమలేఖను పొందిన వ్యక్తివి గనుక, వాటిని చదవడానికి ఈరోజు మనం కొంత సమయం తీసుకొని, ఆయన ద్వారా ఎంతగా ప్రేమను పొందామో గుర్తుచేసుకుందాం.

* సంఘమే "క్రీస్తు యొక్క వధువు"

Old Love Letters - 1 Corinthians 13

న్యూ ఇయర్ తీర్మానాలలో నిలబడటానికి నాలుగు చిట్కాలు

యూనివర్సిటీ స్టడీ ప్రకారం 92% ప్రజలు న్యూ ఇయర్ తీర్మానాలలో నిలబడలేరు.

ఈ స్టడీ లో తేలిన కారణాలు:

• మరీ ఎక్కువ లక్ష్యాలు పెట్టుకోవడం
• అవి నిర్థిష్టమైన లక్ష్యాలుగా లేకపోవడం
• జవాబుదారీతనం లేకపోవడం
• విజయం సాధిస్తాం అనే నమ్మకం లేకపోవడం

అయితే ప్రతీ క్రైస్తవునికి ఉండాల్సిన ఒక ముఖ్యమైన న్యూ ఇయర్ తీర్మానం ఏమిటంటే: దేవుణ్ణి ఇంకా ఎక్కువగా తెలుసుకోవడం. ఈ సంవత్సరంలో ఈ తీర్మానంలో ఓడిపోకుండా, దీనిని సాధించాలి అంటే ఈ క్రిందివి చేద్దాం.

• వాస్తవికంగా ఉండు: నీకు రోజూ దేవునితో గడపడానికి ఒక సమయం పెట్టుకొనే అలవాటు లేకపోతే, ఒకేసారి ఒక గంట గడుపుతాను అనే తీర్మానం చేసుకోకు. నీవు ఎంత చేయగలవో అది కొ.చెమైనా అంతటితోనే మొదలుపెట్టు.

• నిర్థిష్టమైనవి పెట్టుకో: ప్రేయర్ లిస్ట్ తయారు చేసుకో, బైబిల్ చదివే ప్లాన్ వాడటం మొదలు పెట్టు లేక ఈ దేవుని ప్రేమలేఖలు క్రమంగా చదివి, అందులో ఉండే బైబిల్ వచనాలు తెరిచి చదవడం అలవాటు చేసుకో.

• జవాబుదారీతనం కలిగి ఉండు: రోజూ తప్పకుండా దేవునితో సమయం గడుపుతున్నావో లేదో నిన్ను అడగమని నీ స్నేహితునికి చెప్పు.

• దేవుడు తప్పక సహాయం చేస్తారని నమ్ము: నీ సొంత శక్తి ద్వారా అయితే ఇది చేయలేవు, దేవుని సహాయం లేకపోతే.

గుర్తుపెట్టుకో : దేవుడు - మనము అడుగువాటన్నిటికంటెను, ఊహించువాటన్నిటికంటెను అత్యధికముగా చేయ శక్తిగల దేవుడు.. (ఎఫెసీయులకు 3:20)

8% శాతం ఎవరైతే సాధించారో అందులో మనం కూడా ఉందాం!

4 Tips for Keeping New Year's Resolutions

క్రిస్మస్ సమయంలో (అన్ని సమయాల్లో కూడా) మనం నమ్మవలసిన ఆరు విషయాలు

యేసు ప్రభువు పుట్టిన రోజును మనం పండుగ చేసుకుంటున్న సమయంలో ఈ సత్యాలను ఆలోచిద్దాం.

1. యేసును గురించిన అద్భుతాన్ని నమ్ముదాం.

• ఏలయనగా మనకు శిశువు పుట్టెను మనకు కుమారుడు అనుగ్రహింపబడెను ఆయన భుజము మీద రాజ్యభారముండును. ఆశ్చర్యకరుడు ఆలోచనకర్త బలవంతుడైన దేవుడు నిత్యుడగు తండ్రి సమాధానకర్తయగు అధిపతి అని అతనికి పేరు పెట్టబడును. (యెషయా 9:6)

2. యేసు వచ్చిన ఉద్దేశాన్ని నమ్ముదాం.

• దేవుడు లోకమును ఎంతో ప్రేమించెను. కాగా ఆయన తన అద్వితీయకుమారునిగా పుట్టిన వానియందు విశ్వాసముంచు ప్రతివాడును నశింపక నిత్యజీవము పొందునట్లు ఆయనను అనుగ్రహించెను. (యోహాను 3:16)

3. యేసు నీ జీవితంలో ఒక ఉద్దేశాన్ని కలిగిన్నారని నమ్ము.

• మరియు వాటియందు మనము నడుచుకొనవలెనని దేవుడు ముందుగా సిద్ధపరచిన సత్‌క్రియలు చేయుటకై, మనము క్రీస్తుయేసునందు సృష్ఠింపబడినవారమై ఆయన చేసిన పనియైయున్నాము. (ఎఫెసీయులకు 2:10)

4. యేసులో ఆదరణ ఉందని నమ్ముదాం.

• గుండె చెదరినవారిని ఆయన బాగుచేయువాడు వారి గాయములు కట్టువాడు. (కీర్తనలు 147:3)

5. యేసులో ఆనందం ఉందని నమ్ముదాం.

• యెహోవాయందు ఆనందించుటవలన మీరు బలమొందుదురు. (నెహెమ్యా 8:10)

6. యేసును అత్యాశక్తితో వెదకడాన్ని నమ్ముదాం!

• దేవునియొద్దకు వచ్చువాడు ఆయన యున్నాడనియు, తన్ను వెదకువారికి ఫలము దయచేయువాడనియు నమ్మవలెను గదా. (హెబ్రీయులకు 11:6)

6 Things to Believe in at Christmas (and Always!)

మనకు

యెషయా 9:6 పాత నిబంధనలో ఉన్న ఈ ప్రవచనం, అన్ని ప్రవచనాల కంటే నాకు ఎక్కువ ఇష్టం.

ఏలయనగా మనకు శిశువు పుట్టెను మనకు కుమారుడు అనుగ్రహింపబడెను ఆయన భుజముమీద రాజ్యభారముండును. ఆశ్చర్యకరుడు ఆలోచనకర్త బలవంతుడైన దేవుడు నిత్యుడగు తండ్రి సమాధానకర్తయగు అధిపతి అని అతనికి పేరు పెట్టబడును. (యెషయా 9:6)

క్రీస్తు ఒక మానవుడు మాత్రమే కాదు, ఇంకా ఎక్కువ అనేది ఈ వివరణలో మనకు స్పష్టంగా అర్ధమవుతుంది. ఇలాంటి వివరణలే మనం కీర్తన 2 మరియు 110 లో కూడా చూస్తాం. మార్కు 12:36 లో యేసు ప్రభువు తాను కేవలం మానవుడు మాత్రమే కాదు అనే విషయాన్ని కీర్తన 110 నుండి తీసుకోని  మాట్లాడటం మనం చూస్తాం.

🌟మనకు శిశువు పుట్టెను
యెషయా 7:14 ఈ ప్రవచనానికి అదనపు వివరణ ఇవ్వడం మనం చూస్తాం: "కాబట్టి ప్రభువు తానే యొక సూచన మీకు చూపును. ఆలకించుడి, కన్యక గర్భవతియై కుమారుని కని అతనికి ఇమ్మానుయేలను పేరు పెట్టును"

సువార్తల్లో కూడా దీనికి సంబంధించి ఇంకా ఎన్నో అద్భుతమైన వివరణలు చూస్తాం. వీటిని ప్రతీ క్రిస్మస్కి చదవాలి : లూకా 2:1-20.

🌟ఆయన భుజముమీద రాజ్యభారముండును.
దీని అర్ధం ఆయన ఈ లోక నాయకుడు అని కాదు. అసలు ఆయన చరిత్రనే నియంత్రించగలిగే అధికారం గలవాడు అని.

🌟ఆలోచనకర్త
దేవుని జ్ఞానం సంపూర్ణమైనది.

🌟బలవంతుడైన దేవుడు
ఆయన శక్తికి సాటి అయినది ఏదీ లేదు.

🌟నిత్యుడగు తండ్రి
క్రీస్తును గూర్చి ఈ ప్రవచనాన్ని చూస్తే, ఇందులో త్రియేక దేవుని వర్ణన ఉంది. ఎందుకంటే త్రియేక దేవుడు ఎల్లప్పుడూ ఆయన ప్రణాళికలకు అనుగుణంగా సంపూర్ణమైన ఏకత్వంలో ఉంటారు (ఉదా: మత్తయి 3:16,17).

🌟సమాధానకర్తయగు అధిపతి
శాంతి మీ కనుగ్రహించి వెళ్లుచున్నాను; నా శాంతినే మీ కనుగ్రహించుచున్నాను; లోకమిచ్చునట్టుగా నేను మీ కనుగ్రహించుటలేదు; మీ హృదయమును కలవరపడనియ్యకుడి, వెరవనియ్యకుడి. (యోహాను 14:27)

🌟మన రక్షకునిలో ఆనందిద్దాం!🌟

 Unto Us

ఎందుకు మంచివారు శ్రమలు అనుభవిస్తారు

ఎందుకు భక్తిపరులు, దీనులు, విశ్వాసలైనవారు శ్రమలు అనుభవిస్తారు అనేది అసలైన సమస్య కాదు గాని అసలు ఎందుకు కొందరు శ్రమలు అనుభవించరు అనేదే అసలైన ప్రశ్న - సి. ఎస్. లెవైస్, బాధ యొక్క సమస్య.

1. అపనింద ఒక వ్యక్తి యొక్క జీవన ప్రగతిని నాశనం చేసింది.

2. పాస్టర్కి తీవ్రమైన అనారోగ్య సమస్య ఉంది.

3. నిజాయితీపరుని జీవితాన్ని ఒక నిజాయితీ లేని వ్యక్తి నాశనం చేశాడు.

4. విశ్వాసులు వారికున్న విశ్వాసం వలన హింసింపబడ్డారు, చంపబడ్డారు.

"నాకే ఎందుకు?" ఎపుడైనా కష్టం గుండా వెళ్తే మనకు సహజంగా వచ్చేది ఈ ప్రస్నే.

కాని "నేనెందుకు కాదు?" అనే ప్రశ్న నిజంగా తగిన ప్రశ్న.

ఈ భూమిపై మన జీవితాలు న్యాయంగా, సులభంగా ఉంటాయనే భావనను బైబిల్ పూర్తిగా ఖండిస్తుంది:

1. ఆపనింద యోసేపు జీవిత ప్రగతిని నాశనం చేసి, చెరసాలకు నడిపించింది (ఆదికాండము 39:1-10).

2. యవ్వన పాస్టర్ తిమోతికి కడుపులో తీవ్రమైన అనారోగ్య సమస్యలు (1 తిమోతి 5:23).

3. అవినీతిపరుడైన రాజు సౌలు, దావీదును చంపడానికి మరలా మరలా ప్రయత్నిస్తూనే ఉన్నాడు (1 సమూయేలు 24:1-12).

4. విశ్వాసులు ఎప్పుడూ హింసింపబడుతూనే ఉన్నారు (హెబ్రీ 11).

• ఈ భూమిపై మనకు న్యాయం దొరుకుతుందని, జీవితం సులభంగా ఉంటుందని దేవుడు ఎప్పుడూ వాగ్దానం చేయలేదు గాని ఆయన ఆదరణ ఇస్తానని మాత్రం వాగ్దానం చేశారు (2 కొరింధీ 1:3-5), అంతే కాదు మనం గనుక ఆయన ప్రణాళికలపై దృష్టి నిలిపితే, మనకు జరిగే కీడును మన మేలుకై ఉపయోగిస్తారని కూడా వాగ్దానం చేశారు (రోమా 8:28).

Why Good People Suffer

గట్టిగా నిలబడలేని క్రైస్తవులు - వినోదం గురించి బైబిల్ ప్రమాణాలు

నేటి రోజుల్లో ఆధునిక వినోదం ఎక్కువగా అస్లీలత విషయంలో మొగ్గుచూపడం లాగా కనిపిస్తుంది.

నగ్నత, అసభ్యత లేకపోయినా, చాలా పుస్తకాలు, టీవి షో లు, సినిమాలు - దేవుడు వివాహం గురించి కలిగి ఉన్న ప్రణాళికలను వెక్కిరించడం, హింసను ప్రోత్సాహించడం, దైవ విరుద్ధమైన విలువలను ప్రచారం చేయడం వంటివి చేస్తుంటాయి. వీటిని చదవడానికి లేక చూడటానికి ఎన్నో గంటలు మనం వెచ్చిస్తే, మన మనస్సాక్షిని మనం బలహీనపరుస్తాం, మన సమయాన్ని వృధా చేసుకుంటాం, నమ్మకాలలో రాజీపడిపోతాం, సాక్షాన్ని నాశనం చేసుకుంటాం.

ఎప్పుడైతే ఒక స్త్రీ అస్లీలమైన వాటిని చూసి వారే దుర్వినియోగించబడటం అనే దానిని బట్టి ఆనందిస్తే, అది నైతికంగా కుళ్ళిపోవడానికి ఒక సూచన. అది చాలా తీవ్రమైన విషయమని గమనించాలి. ఎప్పుడైతే క్రైస్తవులు విశ్రాంతి తీసుకోవడానికి తమ విలువలను పక్కన పెట్టి దైవికం కాని సినిమాలను, టీవి షో లను చూస్తారో, ఈ విషయం కూడా పై చెప్పిన దానితో సమానమే, ఇదీ అంతే తీవ్రమైనదని గమనించాలి.

మత్తయి 5:13-16 మనం లోకానికి ఉప్పు, లోకానికి వెలుగు అని గుర్తుచేస్తుంది. మనం గనుక మన ఉప్పు సారాన్ని కోల్పోతే లేక మన వెలుగును దాచేస్తే, దేవుణ్ణి మహిమ పరచడంలో ఓడిపోయినవాళ్ళమే, ఇతరులను రక్షించే ఆయన కృపకు వారిని నడిపించడంలో కూడా ఓడిపోయినవాళ్ళమే.

మన టీవిలు ఉండే గోడపై ఈ క్రింది వాక్యాన్ని ఒక హెచ్చరికగా తగిలించుకోవడంలో తప్పు లేదు:

మీరు పూర్వమందు చీకటియై యుంటిరి, ఇప్పుడైతే ప్రభువునందు వెలుగైయున్నారు.... గనుక ప్రభువుకేది ప్రీతికరమైనదో దానిని పరీక్షించుచు, వెలుగు సంబంధులవలె నడుచుకొనుడి. నిష్ఫలమైన అంధకార క్రియలలో పాలివారైయుండక వాటిని ఖండించుడి. (ఎఫెసీయులకు 5:8-11)

గనుక ఈరోజు కొంత సమయం తీసుకోని, దేవుని సువార్త నిమిత్తం మనం వినోదం పొందే వాటి ప్రమాణాలు ఎలాంటివో ఒక అంచనా వేసుకుందాం!

Soft-Core Christians—Biblical Entertainment Standards

ఎందుకు మనం మంటి ఘటాలం?

క్రైస్తవులు మంటి ఘటాలు - శారీరికంగా, మానసికంగా బలహీనులం, మంటి నుండి చేయబడినవాళ్ళం (ఆదికాండము 2:7) (1)

కాని మనం గొప్ప నిధిని (ఐశ్వర్యం) మోసేవాళ్ళం : ఆ నిధి దేవుని ఆత్మ.

అయినను ఆ బలాధిక్యము మా మూలమైనది కాక దేవునిదైయుండునట్లు మంటి ఘటములలో ఈ ఐశ్వర్యము మాకు కలదు. (2 కొరింథీయులకు 4:7)

అంధకారములో నుండి వెలుగు ప్రకాశించును గాక అని పలికిన దేవుడే తన మహిమను గూర్చిన జ్ఞానము యేసు క్రీస్తునందు వెల్లడిపరచుటకు మా హృదయములలో ప్రకాశించెను. (2 కొరింథీయులకు 4:5)

ఈ ఐశ్వర్యం మనలో ఉంది కనుక మనం శ్రమపడేవారం, అపాయంలో ఉన్నవారం, తరుమబడుచున్నవారం, పడద్రోయబడుచున్నవారం కాని మనం ఇరుకింపబడం, ఉపాయములేనివారముకాము, దిక్కులేనివారముకాము, నశించువారముకాము.

మనలో ఉండే దేవుని ఆత్మ:

1. పాపం నుండి తిరిగేలాగా తప్పు ఒప్పులను బోధిస్తుంది (ఎఫెసీయులకు 5:8-16; రోమా 8:12,13).

2. క్రీస్తును ప్రకటించడానికి శక్తినిస్తుంది (అపో. కార్యములు 1:8).

3. దేవుని ప్రేమ గురించి నిశ్చయతనిస్తూ, ఇతరులను ప్రేమించడానికి సహాయం చేస్తుంది (రోమా 5:5; ఫిలిప్పీ 2:1-4).

4. ఆత్మసంబంధమైన యుద్ధానికి సిద్దపరుస్తుంది (ఎఫెసీయులకు 6:10-18).

5. దైవిక గుణాలను మనలో ఉత్పత్తి చేస్తుంది (గలతీ 5:22,23).

దేవుని ఆత్మ బలహీనమైన, అసంపూర్ణమైన మనుషులను ఉపయోగించుకుంటూ గొప్ప ఐశ్వర్యంతో సమానమైన ఆయన ప్రణాళికలను నెరవేరుస్తుంది (2 తిమోతి 2:20-21; ఎఫెసీయులకు 2:10) (2)

--------------

(1) దేవుడైన యెహోవా నేలమంటితో నరుని నిర్మించి వాని నాసికా రంధ్రములలో జీవవాయువును ఊదగా నరుడు జీవాత్మ ఆయెను. (ఆదికాండము 2:7)

పాతకాలంలో ధనవంతులు వారి ధనాన్ని మామూలు మంటి ఘటాల్లో దాచేవారు. బహుశా పౌలు ఈ అలంకారాన్ని వాడినప్పుడు ఆ విషయాన్నే అలోచించి ఉండొచ్చు.

(2) గొప్పయింటిలో వెండి పాత్రలును బంగారు పాత్రలును మాత్రమే గాక కఱ్ఱవియు మంటివియు కూడ ఉండును. వాటిలో కొన్ని ఘనతకును కొన్ని ఘనహీనతకును వినియోగింపబడును. ఎవడైనను వీటిలో చేరక తన్నుతాను పవిత్రపరచుకొనినయెడల వాడు పరిశుద్ధపరచబడి, యజమానుడువాడుకొనుటకు అర్హమై ప్రతి సత్కార్యమునకు సిద్ధపరచబడి, ఘనత నిమిత్తమైన పాత్రయైయుండును. (2 తిమోతికి 2 : 20, 21)

మరియు వాటియందు మనము నడుచుకొనవలెనని దేవుడు ముందుగా సిద్ధపరచిన సత్‌క్రియలు చేయుటకై, మనము క్రీస్తుయేసునందు సృష్ఠింపబడినవారమై ఆయన చేసిన పనియైయున్నాము. (ఎఫెసీయులకు 2:10)

ఫిలిప్పీ 2:12-13 కూడా చూడండి!

Why We Are Clay Jars